Юзларига қора ниқоб тақиб олгани учун оддий ўзбекистонликлар тилида "қора маскалилар", деб аталувчи, ҳуқуқ-тартибот идораларининг махсус тайёргарликдан ўтган кучлари гуруҳи Андижон вилоятида баъзи уйларни тинтув қилмоқда.
Бу ҳақда Озодликка хабар берган бир-биридан мустақил манбаларга кўра, қора маскалилар экстремистик ташкилотларга аъзоликда гумон қилинаётган, сиёсий мухолифат аъзоси бўлган ва хориждан узоқ вақт қайтмаган ватандошларнинг оила аъзоларини сўроқ қилмоқда, уйларида тинтув ўтказмоқда.
Мазкур гуруҳ, маълумотларга қараганда, Андижон вилоятидаги ҳуқуқ-тартибот идоралари ва халқ хўжалиги субъектлари- ни текшириш учун куни кеча Тошкентдан келган бир неча юз кишилик текширув гуруҳининг бир қисмидир.
Андижонликлар Тошкентдан келган текширув гуруҳини Ўзбекистон президенти вазифасини ижро этувчи Шавкат Мирзиёевнинг “десанти”, деб атамоқда.
"Қора маскаликлар ордерсиз бостириб киришяпти"
Андижон вилоятининг Избоскан туманидаги аҳоли уйларида тинтув ўтказган қора маскалилар тўрт кишини ҳибсга олган.
Бу ҳақда хабар берган Избоскан тумани ҳуқуқ-тартибот идораларидан бирида ишлайдиган Озодлик манбасига кўра, ҳибсга олинганлар диний-экстремистик ташкилотларга алоқадорликда гумон қилинмоқда:
“Автомати бор икки қора маскалик, икки нафар милиция ходими ва икки нафар фуқаролик кийимида бўлган шахс бир “Дамас”да юришибди. Улар ҳеч қандай ордер кўрсатмасдан хонадонларга бостириб кириб, тинтув ўтказяпти. Тўрт кишини ҳибсга олишганидан аниқ хабарим бор”, деди у.
Негізгі бет "Мирзиёевнинг буйруғи билан чегара олди ҳудудлари “тозаланмоқда”
Пікірлер: 157