Tender o'tkazishning barcha qoidalari buzilgan holda, Mirziyaevning qarindoshlari, poytaxt markazida joylashgan 17,5 gektar yer maydonini, keyinchalik qimmatroq narxga sotish uchun, arzimagan pulga sotib olishmoqchi.
2024 yil 15 iyul kuni soat 17-00 da Toshkentning Bobur nomli madaniyat bog'ida, "olib-sotar investor", yaqin atrofdagi uy aholisini yashil dam olish maskanini xususiylashtirishga qarshi bo'lmaslikka ishontirish uchun yig'ilish tashkil qildi.
Bobur bog'ining maydoni 17,5 gektar, erning bozor qiymati esa 300 (uch yuz) million AQSh dollarini tashkil etadi.
Yakkasaroy tumani aholisi Bobur bog'ini noqonuniy xususiylashtirishga qarshi chiqishdi.
Park himoyachilariga psixologik ta'sir ko'rsatish uchun, Mirziyaev rejimi yig'ilish joyiga O'zbekiston Milliy gvardiyasi va militsiya o'nlab xodimlarini, shuningdek, MMA sport seksiyalaridan fuqarolik kiyimidagi baquvvat shaxslarni jalb qildi.
Parkning perimetri huquqni muhofaza qilish organlari xodimlari tomonidan o'rab olingan edi, ular video tasvirga olishni taqiqlashdi.
Parkni xususiylashtirish tarafdorlari mavjudligi haqidagi ko'rinishini yaratish uchun, Mirziyaevning qarindoshlari "Chevrolet Damas" rusumidagi o'nta mashinada, yig'ilish joyiga bir guruh janjalkash odamlarni (OBON - maxsus maqsadli ayollar guruhi) olib kelishdi. Ular kelganidan so’ng, xalq mulki himoyachilarini kaltaklay boshladilar.
Milliy gvardiya va militsiya xodimlarining roziligi bilan, bir guruh yollangan ayollar, tumanning ba'zi aholisini haqorat qilishdi va kaltaklashdi. Shavkat Mirziyaev rejimi fuqarolik faollariga va huquq himoyachilariga nisbatan, hamda siyosiy raqiblariga qarshi kurashda ushbu usulidan nafaqat O'zbekiston ichida, balki uning tashqarisida ham foydalanadi.
Негізгі бет Mirziyaev qarindoshlari poytaxt erlarini egallab olmoqda
Пікірлер: 1