مأساة مغترب
امجد الشاطرابي
كلمات حسن احمد حسن
3.top4top.net/...
يايابه ويين روحت ويين ..راجاك بي طول الزمن
انا امي دايما لي تقول باكر يعود اكيد غدا
في الغربه طول بالسنين قاطع خبارك كم زمن
والعيد يفوت والتاني فات وعيونا من الشوق بكن
كل مايعود زول من هناك تلقانا نسالو بي حزن
تنضاري مننا منكسر والعبرة تخنقنا ونئن
انا بين خواطر الزكريات سارحه واعيد ايام مضن
مرات براي من الخيال احلم ابوي لي حضن
مفزوعه اقوم من المنام والدمعه تنزل في الوجن
وانا هسي من كم مين سنه ماشوفته ابوي صورة بدن
في يوم سعيد رسلت لينا قلت جاي علي الوطن
اليوم دااك عاد الديار فرحانه والاطيار شدن
كلمنا كل الناس خلاص عيونا بالفرحه اتملن
راااجنوو جيتك بس تعود والليل وقف عاتي وحرن
مشتاقه لي باكر الصباح
والليل يطول يزداد دجاا
زي التقول قاصدني بس.. داير يدفعني التمن
اصحي وانوم ارقد واقوم شفقانه يظلمني الزمن
لمن خلاص صبح الصباح بالفرحه نخلاتنا انتكن
لكن اتاريهو القدر كان لي بالاحزان دفن
ابويا احلام السنين في الغربه ايامو انتهن
اتوفي في نفس الصباح الجاي فيهو علي الوطن
بدل الاقي انا في المطار
لقيتو ملفوف بي كفن
وبكيناا آآآه وبكيناا آآآه .. بكينا كان تجدي الدموع
علي حلم راح واندفن
جابولنا كل البملكو تعويض عن الحادث تمن
يا يابا بعدك ايه نكون افراحنا شمعاتو انطفن
سآلنو غفار الذنوب يصبح مقامك في عدن
Негізгі бет امجد الشاطرابي/ مأساة مغترب/ كلمات حسن احمد حسن
Пікірлер: 86