#مجرودة_ترند_تيك_توك2023
الكلمات
جبت انا الهرج اثقيل
محمل حمله مش قليل
والفته بعقاب اليل
وعلى الله اتواكيل
لطرب فيه اطربانين
اول ما يبدأ الكلام
العربان احلى سلام
قبائل ولا أقوام
جبت الحروف اتمام
وطرب كل المستمعين
كل المستمعين غوالي
نشامة وقدرهم عالي
وطيب ماله مثالي
والكلمة الزينه تنقالي
ومدح أناس الزينين
غير امدح كل العربان
مصر اوغزه جبران
والردني فيها عمان
وسبعاويه الفرسان
وسناويه الحيتان
جيتك بلهرج المليان
امدح أناس الغاليين
اناس الغاليين عليناا
مرباهم في غزه وسيناا
وسبعاويه اهليناا
على اطيب احنا تربيناا
وتشهد ليناا الماليين
ماليين افكل ميكان
كلهم قبايل بدوان
ماحد علينا عتبان
وتشهد لينا الماليين
ترا المجروده البيه
للناس الغليين عليه
والي على الموت معيه
دومآ عجنبه شبريه
والواحد ابثمنميه
يوم يطبو الميادين
يوم احنا انطب الميدان
جينا خياله وفرسان
اوسيفي لدم ضميان
عشنا فلبر والوديان
ومعرفنا طبع الحنان
ومربانا قاسي ميلين
عسود اليالي تربيناا
لا عشقناا ولا حبينااا
وحناا فلهم انبليناا
وشدخلناا احنا وشليناا
وياارب تسترهاا عليناا
يوم الموقف ويوم الدين
يوم ادين اتشوف انااس
والقائد ممعه حرااس
كلهم على نفس المقاس
وجهنم ودهي النجااس
وجنه ودهاا اطيبين
سلامي لكل الحباب
القرايب مع الصحاب
اشابابآ مع اشياب
ابو عوده من راسه جاب
الله يطول عمر الحيين
قبل ما اختم القول
صلو عطاها الرسول
وصلاته ليهاا محصول
وكله بميزازك عطول
صلو عخاتم المرسلين
🌹اخوكم ومحبوبكم بلال ابو غولة (ابو عوده )🌹
مجرودة بلال ابو غولة 2022نرجو آلآشترآك في آلقنآة لمتآبعة كل مآهو جديد وحصري ♬ ....
طريقة آلآشتراك بآلضغط على زر "اشترك" او " Subscribe " آسفل آلفيديو ...
Негізгі бет مجرودة على سود اليالي مربانا قاسي ما يلين ليبية حصريآ 2023||الفنان بلال ابو غولة
Пікірлер: 168