البارحة دن هاجوسي وجاوبته وشبيت نار
واشعلت في ليلي اللي ماسرا بالهاجس اللي سرا
حازم وعازم ومتردد وفي راسي علومٍ كبار
اطلع بها فوق في قمة كرا وانزل بها من كرا
حاولت افكر واقدر واعطي الميسور واخذ قرار
واهد وابني ولا اطيع شورا لو كان فيه شورا
واطلق عنان البيوت اللي نويت افرض عليها حصار
يالين يسمع بها اللي مادرا ويعلم اللي درا
في حشمة الطائف اللي تحتكر تاج الجمال احتكار
بالصدق ماهو حديثٍ مفترا في المعجم المفترا
متبخترة غندرية ساحرة مامثلها باختصار
نالت شهاده حسب راي خبرا ومولفات خبرا
قالوا عروس المصايف قلت لاوالله عروس الديار
هذا تفرد ولا فيه خشرا والمدح فيه خشرا
في وضح شمس النهار ارحب هلا ياسعود يابن نهار
سمعٍ وطاعه ودبر ماترا مادام عينك ترا
انشد جبال الهدا واشعاب ليه عن روابي شهار
كم زارها من مشايخ وومرا وامست حلال ومرا
وانشد عن اكناف وادي وج والمثناة واسلك مسار
للقيم والسيل يوم انه جرا واشهد على ماجرا
وانص الحوية واهلها عزوةٍ مايقبلون اعتذار
عن واجب الضيف وعلوم شعرا تاخذ علوم شعرا
ولا يشد النظر مثل الشفا وكر الصقور الحرار
مرفوع بين الثريا والثرا والعرق تحت الثرا
واللي يحافظ على الموروث والقربى وحسن الجوار
ياخذ براي المداين والقرا في جارة ام القرا
ون كان عن مملكتنا ،مملكتنا فوق كل اعتبار
اطرافها ظل وحماها ذرا موجود ظل وذرا
يوم ان كان التنقل والسفر بين الديار انتحار
والامن مهموم في ثوب العرا منبوذ وسط العرا
وحد ثراها معزي واعتلا من فوق قب المهار
ماشي على ما طلب خير الورا في شرع رب الورا
واليوم يالله لك الحمد اتفقنا بعد طول انتظار
ناسين باب الطواري لو طرا في وقتنا ماطرا
نشتب غيره على الاسلام غير الناس منا تغار
وانظارنا قدم ماهي للورا مانلتفت للورا
الورد والشيح يرقص للخزامى والنفل والعرار
لين اندمل جرح الايام وبرا من بعد رد البرا
عمار يادارنا يامملكتنا ياذرانا عمار
والطيب اللي تمسك في العرا يلقى وثيق العرا
الشيخ عبدالله بن جملا
Негізгі бет Музыка مجرور | هلا مرحبا يا سعود بن نهار | كلمات الشيخ : عبدالله بن جملا | أداء : شبل سفيان | جديد 2022
Пікірлер: 58