مونتاج برق الحجاز -
السناب: tsmim1 التك توك: brq_0
ابدا بذكر الولي ربي وذكر الرسول
عالم خفايا الصدور ويعلم اللي جرا
يارب تجعل لنا بوجيه خلقك قبول
وانك ياربي تجنبنا دروب الزرا
من امس وانا هواجيسي تصول وتجول
سرت عليه هواجيسي وليلي سرا
ياطيبه الهاجس اللي مايحب النزول
ماوده الا طلوعن مثل طلعة كرا
اللازمه ننتصيها مانجيها ختول
واللي طرا لازمن مافيه غيره طرا
ماني ليا جا لزومن للجماعه كسول
راسي على اللازمه من دون ربعي ضرا
ترى الرفيق السنافي يرتكي للحمول
والكايده يقدم الها مايعوّد ورا
واللاش مانمدحه لوعاش تسعين حول
واليا رضينا بها عشنا ومتنا افقرا
يامرحبا عد ماهلت غزير الثعول
ترحيبتن طيبها بالمسك والعنبرا
الضيف يلقى هلا من عند باب الدخول
وضيف السعد عندنا محشوم ومقدرا
والحفل قايم من ارجال الوفا والاصول
لو هم ضيوفه من الزحمه حشود وسرا
يامازن ابشر بنا من قبل حتى تقول
والله لتفرح بوقفتنا وعينك ترا
انته يمينك مع اطوال اليماني تطول
وطيبك من الله جبله مالصق بالغرا
وان كان تبغى الكلام اللي عليه الفعول
انته مكانك رفيع وخوتك تنشرا
وانته حفيد الرجال اللي تعن الخيول
وشلون مانفتخر والاسم فيه اخشرا
عيال مشعل رياجيل الوفا والكمول
ودايم ذرا اللي من الايام ماله ذرا
والطيّبه قسمهم ماشي عنها يحول
هذا الكلام الصحيح اللي مافيه افترا
والاد زراق يانعم الرجال الزحول
تشهد لهم حرة الروقه وراس القرى
لاجا نهارن لك الله فيه زيغ العقول
نثبت وروس العدا مدفونتن فالثرا
افعالهم باقيه طول الزمن ماتزول
مخلده للرجال اللي ترد البرا
كلمات الشاعر/
عايض سرحان الزراقي
Негізгі бет مجرور الاد زراق 🔥 - كلمات عايض سرحان الزراقي - اداء سيف المنصوري - حصري 2023
No video
Пікірлер: 1