الاهي وانت جاهي جاعل امرك بين كاف ونون
يا غياث القلوب اغفر ذنوبٍ ما انت جاهلها
يا منطق بالمهد عيسى ومغرق في البحر فرعون
تسبح لك بروق الغيمه اللي هل وابلها
الا يا الله عليك الاعتماد وكل صعب يهون
دعيتك يا عظيم الشان لا صعبت تسهلها
يا علام الصدور وما تكنه والظنون ظنون
يا خلاق النفوس اللي على وجهك توكلها
جعلت لكل مخلوقٍ مكانه والعمر مرهون
عجايب قدرتك تذهل أولي العقل بتاملها
جلعت من النحل للدا دوى من كل شكل ولون
وعظمته بأيات الكتاب اللي منزلها
لقد اوحيت للنحل ان يكون له مكان وكون
الا يا ليت اولى الالباب تتفكر وتعقلها
خلقت من النحل عدة فصايل حسب ما يروون
هل النحل ومطورة السلايل في مناحلها
من افضل هالفصايل بالجزيره مثل ما يقلون
هذا الغنامي الاسمر على ذمة مفصلها
سلاله نادره كم واحد من فقدها مغبون
حفظها احمد بجهده واجتهاده ما يهملها
اسمها شهرته باسم العرابي في الدول مقرون
شهر صيت احمد بكل اسيا واسمه يظللها
يا يبطون ما وصلو مواصيله يبا يبطون
ما هو في كل حال مدور الحاجه يحصلها
جماجم فارغه والنابغه لو صاغ ما يصغون
ولو يصغون ما يلغون ناقضها وفاتلها
قفلت الباب الاول واقدح الجمره على الغليون
وفتح الباب الاخر والمعاني في تسلسها
انا في حالة استنفار لا صاحي ولا مجنون
ليا وردتها ميرادها ما اقصر حبايلها
على قاف الفخر يحداني اللي بالردى مشحون
قليل العرف في انساب الرجال وفي مراجلها
انا شاعر قصيدي سيف بيدي حده المسنون
وسومه في خصومه والسيوف تعز ناقلها
اباهي لا ابالي في ابن عمي والوفا مضمون
اغني بالفخر قاف الفخر والجزله ازهلها
نحت من الصخر قاف الفخر لاهل الفخر موزون
وبدعت من البيوت اللي تجمل وجه قايلها
ابا افخر في نسب جدي بقافي واللحون لحون
اغني بالبيوت اللي تجملني واجملها
على وضح النقا واهل التقا يوم القا يرقون
شموخ اشيوخ والتاريخ ما يجهل فعايلها
انا وجهي ما هو منكور يوم ان العرب يبدون
حفيد الابه اللي كل منعاجه تعدلها
قصيدي يفتخر فيهم وانا في فعلهم مفتون
وعلى كل المنابر بالقصيد الجزل امثلها
بني هاشم منار الحق وابليس الردي ملعون
نسب خاتم رسل ربي رفعها في منازلها
بني عمي حزام الجنب لا ضاق الفضا والكون
عن النقص الله مشرف بني هاشم وكملها
بعلم عن نسبنا من حسبنا في عيونه دون
يحسب ان الجبال الشامخه كلٍ يطاولها
قصير اشبور ماله دور تايه شور واعمى عيون
توهق ما توفق غايته ما هو محصلها
تبا تبطي خيامه ما تذري في ذراها حصون
لو تهب العواصف شالت خيامه من اسفلها
بخص حق الرجال اللي لحومات الوغا يردون
ليا مست سروج الخيل توردها مناهلها
جحد قدر الرجال اللي لها نهج ولها قانون
جهل نهج الرجال اللي تشرفها مداهلها
نسا اني من بني هاشم ومنا محمد المامون
صلاة الله على محمد وآله وانت حللها
نسب غيري ما اسبه يوم غيري بيح المكنون
يا ليت الكلمه اللي قالها في الصدر عقّلها
فهد العرابي
Негізгі бет مجرور قاف الفخر كلمات فهد العرابي واداء طلال الشهيب
No video
Пікірлер: 38