الى قبيلة هذيل ولرجل الاعمال فارس بهار اللحياني الهذلي وفهد بن حثلين
قصيدة العيد لقبيلة هذيل
وللشيخ رجل الاعمال / فارس بن بهار اللحياني الهذلي
كلمات الشاعر / خالد الخالدي
عيدوا ياهذيل عيد الفطر هل هلاله
كل عام انتم بخير وعيدكم يعناني
عيدوا ياأبناء الصحابة والفخر حنا له
يالفصاحة واللغة والشعر والاوزاني
غزوكم فالاندلس والسند مجد لحاله
ويش اعد و ويش أبقي من فعل جداني
عيدوا وانتم نواميس السطر وابطاله
عسكر البارود يوم الملح والخفاني
يوم دقلات الصفوف تروض العيالة
عسكروا وأنهوا نفوذ الباشة العثماني
عيدوا والعز والتاريخ يدري بآله
ماطغى فالمجد ديواناً على ديواني
عيدوا واحنا في حكم اللي يضل ضلاله
وافرحوا في مملكتنا خيرة الاوطاني
عيدوا ياهذيل يارمز الوفا والطالة
فيه مثل العيد عيد وفيه علماً ثاني
فيه ناموس القبلية يوم شد رحاله
يصدم الروس الكبار ويدحم الامتاني
جاك بالاول والاول تعرفون رجاله
مايجيب الاول الا فارس اللحياني
تعب أرباب المزاد وتعب الوبالة
راح كل منافسينه جهدهم مجاني
كيف مانثني على اللي وقفته فعالة
هذلياً في لزومه مثل الهذلاني
قال بن حثلين واعلن في كلاماً قاله
قال فارس فالمراجل فارس الفرساني
يتنومس في مواقيفه وبيض أفعاله
يكفي انه قالها له خال بن سلماني
فهد بن حثلين يالله تكثر من أمثاله
مزبن وجيه الشيوخ ومزبناً للجاني
شاش فارسنا وغنينا على مواله
ماعلينا من رضا الراضي ولا الزعلاني
يسلم اللي في لزومه مايصر رياله
قال هذي جدي الأول بها وصاني
اقتنصهم قنص حراً هدته قتالة
كسر رقاب الحبارى طيرنا حوراني
وارتكى لأبو بنوك اللي كثيراً ماله
قال دورني على الاول تبا تلقاني
حاولوا لكن حلحل حيلة الحيالة
رد طعان الظهور فنخندقاً تحتاني
لين خلاهم شتات وحالهم يرثاله
من كثر ماصابهم يالله لا تبلاني
فالمنصة قام يحذف غترته وعقاله
انتصاره في التنافس طابعاً رباني
والبطولة ماتلبس بالحلي إلا له
والمراكز صافحته مصافح الأيماني
كم منافس فالصياهد شارباً فنجاله
متريح كنه الا شارباً خولاني
واللقب كنق النظر والطيبة تزها له
رفعت الابهام يعني جنبوا ياأخواني
فالرماية جاب الاول طيب الله فاله
يوم صولات النيامس والصفر عماني
اعتلى فوق الكواكب و السماء مركا له
وان نشدنا عن عطارد قال من جيراني
انت تفعل والمدايح جات لك مختالة
صحت أفعالك يابو خالد وصح لساني
Негізгі бет مجرور عيدوا ياهذيل ١٤٤٤هـ|كلمات:خالد الخالدي-اداء:شبل سفيان وسيف المنصوري
No video
Пікірлер: 44