كلمات :
محمد بن قحيفان
اداء :
جفران بن هضبان
..
للتواصل والاستفسارات :
الحسابات الرسمية لـ منصة بصمة الابداع .
Official Whatsapp :
الرابط محادثة الواتساب المباشر :
wa.me/message/...
+966562778026
Official Snapchat :
/ a_thane2
Official Twitter :
/ a_thane2
Official Instagram :
/ a_thane2
ـــــــــــــــــــ
الرفيق اللي ملكني بمعروفه
١-ياسلام الله والانضار مصروفه
عن مكاذيب الذخيره وتالفها
٢-مابه الاّ الماوي من بطن شاخوفه
والحزام وسعفتين ٍ نخالفها
٣-عقبها مادام الاوضاع محفوفه
مرحبا ترحيبة ٍ ماآتعاجفها
٤-عند شيخ ٍ ينحر الحشو ليوفه
والخساير مايحسّب كلايفها
٥-ون لقيتو شيخة الدر محذوفه
لاحد ٍ نفسه يكثّر حسايفها
٦-كم لي ونفسي عن الشعر مقروقفه
تارك ٍ نظم القصايد وعايفها
٧-كن عيني من حلا النوم مطروفه
مابقا الاّ يسهج الحجر ذافها
٨-شاب راسي من غثا الوقت وصدوفه
وأعلنت ركب القصايد نكايفها
٩-والرفيق اللي ملكني بمعروفه
في سبيل ارضاه نفسي مكلفها
١٠-فزعته لي من شقى الوقت وضروفه
فجّرت منها المشاعر قذايفها
١١-عملة ٍ من صافي الصوغ مصفوفه
كن صنّاع الجنيهات حايفها
١٢-والشعر حبكه ومعناه وحروفه
كنّها في خاطري يوم أولّفها
١٣-باقة ٍ من روضة الصدر مقطوفه
بسم من يزها المدايح أنغلّفها
١٤-وفكرتي ماهيب بالناس مكلوفه
مير أنا أقدّر هل الطيب وأنصفها
١٥-والديار اللي مع الوسم مصيوفه
مأنزل الاّ في علاوي مشارفها
١٦-وأنت يامشبب مواقفك مشيوفه
من بني عمّ ٍ أتنومس مواقفها
١٧-وقفتك ملعام تجريب وبروفه
والسنه هاذي على العام ضايفها
١٨-وموت خزامه مقدّر ومخلوفه
عاضك الله وحدة ٍ من ولايفها
١٩-اجتياح اللي لها في الدبش نوفه
كل شقحاً تدخل الشوط تقصفها
٢٠-ياهل الشقح التصاريح مكشوفه
وأكثر العربان نسمع سوالفها
٢١-مايشق اصفوف الاخصام بصفوفه
كون من صمخ الملايين يتلفها
٢٢-نسمع بصيت أبن فياض ونشوفه
في أسنابات القبايل ولايفها
٢٣-احرجياً ينثر المال بكفوفه
لويحوش أموال قارون يصرفها
٢٤-وشقح أبن فياض بالزين معروفه
نخبة ٍ مثل الوحايا وصايفها
٢٥-كل منها يذهل العقل بوصوفه
ماتنوش بخيزرانك شعايفها
٢٦-كن نو العصر لانشّت أقنوفها
لون شقح المملكه يوم اوصفها
٢٧-كل شقحاً تعجب العين مشعوفه
شدقها يكفى العشاء من معالفها
٢٨-ماررق النسنوس والني وردوفه
مخطر ٍعظم الفقاره يخالفها
٢٩-والخشم م العين لاحد غضروفه
حضرميّاً ريّس الحزب عاكفها
٣٠-ملك شيخ ٍ ينقل الحمل بكتوفه
هيلع ٍ نفسه على الطيب عاسفها
٣١-ملحق ٍ ربعه وجمهوره أشوفه
والمشاري كان ودّه يوقّفها
٣٢-مير من كثر أهتمانه ومن خوفه
ربعه أحزاب القبايل تضافها
٣٣-يضرب أبهامة عدّوه على الطوفه
ون لقاء زلاّت الاصحاب طوّفها
٣٤-المنافس يوقد النار في جوفه
كل ماكبرت هقاويه يخلفها
٣٥-لاكوى خصمه تحت ضلع سرجوفه
يردع الكيّه بالاخراء ويردفها
٣٦-يآل فياض أسمحو لي بمالوفه
قصة ٍ معظم هل الطيب تعرفها
٣٧-جدّكم فياض شلفاه وسيوفه
تضرب الهامات والروس تنسفها
٣٨-يوم كان الناس والقت وصروفه
جثّة ٍ ترمى وراس ٍ يخالفها
٣٩-تسعة ٍ من روس الاخصام منسوفه
صح قول الراوي اللي يسولفها
٤٠-والخوي اللي نخاه أنجلا خوفه
ذب روس القوم دونه وحذّفه
٤١-واللي زلاّته عن الناس مكفوفه
توجعه بعض الرجال أبتصرفها
٤٢-وأنا والله مأرخي الراس لكتوفه
وآترجّا وأرخص النفس وأضعفها
( محمد مسفر بن قحيفان )
Негізгі бет مكاذيب الذخاير وتالفها 🔥 جفران بن هضبان - جديد 2024
No video
Пікірлер: 6