سلام عليكم ورحمة الله وبركاته وأهلا بيكم في أول حلقة من السلسلة اللي هنخصصها ان شاء الله لتخيص الكتب ، في السلسلة دي هنختار مجموعة من الكتب الفكرية و التاريخية وهنعرضخا ليكم بشكل مختصر ولكنه في نفس الوقت غير مخل
الهدف من التلخيص مش هيكون التلخيص في حد ذاته إنما تسليط الضوء على الأفكار الرئيسية الموجودة في الكتاب بحيث إننا ندي ليكم خلاصة الكتاب والهدف منه والمواضيع الرئيسية اللي بيطرحها يعني كنوع من التسهيل على الناس اللي ماعندهاش وقت للقراءة أو مابيحبوش القراءة لعل وعسى الطريقة دي تفتح باب للناس اللي مابتقراش إنها تقرأ
طبعاً تلخيص الكتب هيكون جزء من الموضوعات اللي هنهتم بيها في القناة الفترة الجايه بجانب الموضوع الرئيسي وهو التاريخ والحضارة
فخللونا نبدأ معاكم بأول كتاب وهو كتاب مسلكيات للدكتور ابراهيم ابراهيم السكران ، ووالحقيفة إن الدكتور ابراهيم من الماس المبدعين حتى في اختيار أسماء الكتب بتاعته ،
أولا ليه اختارت الكتاب ده بالذات عشان نبدأ بيه ؟!
أخترت الكتاب لأنه كتاب بسيط وسهل وفي نفس الوقت بيتكلم عن مجموعة من الافكار أو السلوكيات المحورية والأساسية لبناء الشخصية المسلمة الفاعلة والمنتجة ، السلوكيات والأفكار دي الكاتب شايفها من وجهة نظرة اللي أنا متفق معاه فيها تماما إنها هي السبب الرئيسي في تميز وابداع جيل الصحابة والتابعين وغيرهم من السلف
عشان كده الكتاب هتلاقيه مليان بالامثلة والنماذج المختلفة اللي ذكرها الكاتب لتأكيد مدى أهمية الأفكار اللي هو بيعرضها وفي نفس الوقت عشان يرفع بيها الهمم و يعرفنا أد إيه الأفكار اللي هو بيعرضهم كفيلة أنها تصنع منك عظيم من عظماء الإسلام زي ابن القيم وابن تيمية وغيرهم
Негізгі бет ملخص كتاب مسلكيات | إبراهيم السكران | الكتاب اللي هيغير حياتك | الجزء الأول | المؤرخانجي
Пікірлер: 14