Tibṛatin
Aggur amenzu n tefsut
Tameṭṭut-iw aεzizen
Tagi ttabṛatt tamenzut
Am tesargagi ifassen
Ussan ttemyeḍfaṛen
Cban di tmiqwa bbwaman
Degneγ acu i d-iqqimen
Ḥala agwlim yezdin iγsan
Am nekk am imdukal-iw
Udem-iw ulint ilefḍan
I leḥfa kern iḍaṛen-iw
Tilkin ttazunt deg gwelman
Ṣbeḥ mi d-ldiγ allen-iw
Tt-magaren iyid yir ussan
Dacu di yeğğan dagi
Ata wayen di inγan
Tt-menniγ ad uqqleγ d-isem-iw
Di tebṛatt ar da nedduγ
A kem s-γimeγ s-idis-iw
Ayen iḍṛan ad am teḥkuγ
Ass amenzu deg unebdu
Ay argaz-iw aεzizen
Win isεan ul-is d-aẓṛu
Lehduṛ-ik ada t-qeṛḥen
Iḍuḍan-iw rgagin
Imi qaṛeγ tabṛatt-ik
Ɛeqleγ tira-k ay uzyin
Tesmalayeḍ afus -ik
Lexbaṛ ig uzzlen di tmurt
Yuzzel ula deg uxxam-ik
Nnan-as akw medden yemmut
Amek almi ulac lexbaṛ-ik
Anaγ i aγ inγan d-amek
Dayagi i aγ d-ğğan at zik
Ul fella-k ala iḥebbek
Lğehd-iw idda d-uḍaṛ-ik
Tt-menniγ ad qqleγ d-azrar
Ad s-ḍewwṛeγ i temgeṛṭ-ik
Ad ak qqimeγ af tgecrar
Ad iteḥkuḍ leγbayen-ik
Ass amenzu di lexṛif
Tametṭut-iw aεzizen
Tt-waliγ deg webrid-iw γezzif
Ḥala lkaγed iγ isduklen
Mi medleγ allen a d-mektiγ
Ussan i nesεedda akken
Bḍiγ yidem ass d yiḍ
D wayen i d-id-iṣaḥen
Eǧğaγ akw deg wayagi
Tinniḍ iyid ma llan yirden
Ma tjemεem abrid-agi
Ayen ara ččen izgaren
Sya ar da ḥader iman-im
Ḥala kem i d-iqqimen
Ma diγ iγli lğehd-im
I nekk anwa ara irefden
Tt-menniγ ad uqlweγ d-isem
Di tebṛatt ada nedduγ
A kem ṭṭ-feγ ger iγallen
Yir ussan ada t-neţţuγ
Ass amenzu di ccetwa
Ay argaz-iw aεzizen
Ẓṛiγ-k di targit laεca
Teẓleḍ ger wid immuten
Ttaruγ-ak-in s-imeṭṭi
Ugwadeγ d-aγṛib ak neṭlen
Yir targit tusa-d γuṛi
Ssufγeγ-tt akken niḍen
Eğğ-aγ akw deg wannect-a
Nefra ṭṭlaba iγ d-iqqimen
Nelha ttirni d lxedma
Nejmeε aṭas g isγaṛen
Abrid-a a ttewεeṛ ccetwa
Akka iheddṛen imγaṛen
Ttesriḥ-ik nuṛğa-t meṛṛa
A tiγilt ara k-id iffken
Tt-mmenniγ ad qqleγ d-isem
Di tebṛatt ada nedduγ
Ad ak γliγ af idmaren
Yir ussan ada ten ţţuγ
Yibbwas tagara n tefsut
Akka tameddit bbwas
Ifuğ-d wergaz af tebburt
Tabbwurt ig ffeγ deg useggwas
Cciεa γef idmaren
Aṣeḍsi icṛeq af imi
Kecmen-d akw medden a teẓṛen
Feṛḥen-as imi d-yezzi
Iḥkad dihin af tlisa
Awal igwrad i lfuci
Eğğet-aγ akw deg wannect-a
Dacu ig ḍṛan dagi
Yebbwḍed yiḍ yifen akw uḍan
Yeffeγ-d ar beṛṛa i tziri
Yessusem i tziri yeḍwan
Tameṭṭut-is deg rebbi
Dacu yufa deg iciwi-s
Ttibṛatin i s- id yura
Dacu tufa di lğib-is
Ttibratin i d-as terra
Paroles : Ameziane Kezzar
Негізгі бет Mohand Ouali KEZZAR ~ Tibṛatin ~
Пікірлер: 75