Ramazon.
Nozil bo'lgan senda Qur'on
Yo Ramazon. Yo Ramazon!
Yog'ilgaydir Huri G'ilmon.
Yo Ramazon. Yo Ramazon.
Tilovotu duolardan
Nurga to'lar yeru osmon.
Istig'for, mag'firat oyi
Mohi Sultondir Ramazon.
Ofiyat tarannum aylab,
Sochilar tong sahalardan.
Kecha kunduz Yo Rabbano
Duo uchar suhanlardan.
Bunchalar yaxshi oysanki
Gunohlar mag'firat bo'lgay.
Haqning rahmatin topmoqqa
Vaqtu mezondir Ramazon.
Musulmonlar turib saf-saf
Bo'lur hamdu tilovotlar.
Diyonatdan aytilar so'z
Hadis, tafsiri oyatlar.
Beadad shukur yo Rohman
Habibingga Salovotlar.
Tasbehu zikirlar oyi.
Mohi Qur'ondir Ramazon.
Sen muhabbat oyidirsan
Hushnud dillar saodatdan.
Beva, bechora miskinlar
Bahra olur saxovatdan.
Urushganlar yarashgaydir.
Chiqib illat jaholatdan.
Jismim shifo, ruh halovat
Topgan bo'stondir Ramazon.
Onamning poyidan o'psam
Otamning qo'lidan tutsam
Kabatulloh qarshisida
Laylatul Qadrni topsam.
Sen buncha ham yaxshi oysan
Ijobatdir duo qilsam.
Rayyon jannatin topmoqqa
Go'zal imkondir Ramazon.
08.02.24
✍️ Abdugaffor Ahmad
Негізгі бет Фильм және анимация MOHI SULTONDIR RAMAZON
Пікірлер: 2