Abone OL: goo.gl/W99fFm
Copyright © ARB Şəki
Sayt: goo.gl/NfKDu5
Facebook: goo.gl/XVhVzG
44 günlük Vətən müharibəsində Şəhidlərimizin, qazilərimizin qanları ilə bənzəri olmayan Zəfər salnaməsi yazdıq. O salnamə ki, bundan sonra min illər boyu qürurla vərəqlənəcək, fəxrlə anılacaq...
1998-ci ildə Şamaxıda dünyaya göz açan Sabir Heydərov uzun müddət əlbəyaxa döyüş növləri ilə məşğul olub. Qəhrəmanımız hərbiçi olmaq, xüsusi təyinatlı kimi yetişmək arzusunda olduğundan təhsilini də bu sahədə davam etdirib. Bir sıra kurslar və yarışlarda müvəffəqiyyət qazanıb. Türkiyədə keçirilən xüsusi təyinatlıların müsabiqəsində 1-ci yerə layiq görüldükdən sonra Sabir gizir rütbəsi alır və elə o gündən uşaqlıq arzularına çatmış olur. Gənc olsa da, vətənini sevən təcrübəli bir döyüşçü kimi yetişməsi onu bir çox döyüşlərdən də alnıaçıq çıxarıb. Vətən müharibəsi başlar-başlamaz Sabir də əzmlə döyüşə atılanlardan olub. İlk döyüş tapşırığını yerinə yetirməyə Murov istiqamətindən başlayıb. Ordumuz düşmənin xeyli sayda canlı qüvvəsini, texnikasını və postlarını darmadağın edərək düşmənin geri çəkilməsinə müvəffəq olur. İlk tapşırıq uğurla yerinə yetirildikdən sonra Sabir və yoldaşları növbəti ərazilərə cəlb edilib. Qəhrəman gizir qızğın döyüşlərin birində şəhadətə yüksəlib. Əbəs yerə deyildi Sabirin bu gənc yaşında qəlbində bəslədiyi Vətən eşqi. Şəhidimizin atası Ceyhun Heydərov da 1-ci “Qarabağ müharibəsi” iştirakçısıdır. Atasının dilindən səslənən vətən mövzulu hadisələri duyduqca köksü qabarıb, sevgisi get-gedə artaraq, nəhayət, özünün də vətən keşikçisi olması ilə nəticələnib. Xüsusi təyinatlı hərbi qulluçu olmaq hər iki qardaşın ən böyük arzularından olsa da, bu arzuya sadəcə Sabir çatıb. Ölümündən sonra kiçik gizir Sabir Heydərov "Cəbrayılın azad olunmasına görə ", "Vətən uğrunda" və “Hərbi xidmətlərə görə” medalları ilə təltif edilib.
#ARBŞəki #şəhid #SabirHeydərov
Негізгі бет Mohteshem qelebemizin daha bir qehreman shehidi - xususi teyinatli Sabir Heyderov!
No video
Пікірлер: 24