بطلتي توحشني ل عمر حسن فالليل والناس نيام والكل في حالة سارح عدي عليا الكلام مسموم وحزين وجارح الست ساعتها غنت في الراديو لسه فاكر والنحلة النايمه طنت لما صاحيوا العساكر وعساكر الليل دماغي في خناق هيجيبوا داغي والشوق عمال يلاغي والقلب ضعيف وناكر اكتب عن وصف ألمي ولا عن بعد ناسي ولا عن حب خدني وشغلني وهو ناسي الصبح مناموا فارقوا خلاه هجر السراير والقلب هياموا سارقوا والعقل نشيط وفاير انا لما كتبت شعري ووصفت الوحشه ليكي رخصت بنفسي سعري أملأ شعري يراضيكي ولقيت ولا شعري نافع ولا قلب البيت أويكي عمال ادفع وادافع عن حق الشخص فيكي مش عارف اقول كرهتك مش عارف اقول ناسيكي كملتك الف مره مانقصتش إلا بيكي النور شقشق ولالا والحالة تجر حالة والهم اللي ف فؤادي طالع لله تعالى هو العالم بأمري وبفعلي طول سنيني هو العالم بأني كاتم ف الليل أنيني كان نفسي تحسّي بيا كان غَرضِي تفهمِيني تِمحي الحُزن اللَّي فيا تتراضي وتراضِيني و آدي الحزُن اللَّي خَدتُه والجرح اللَّي اعتمدتُه بيقول قلبي بإرادته بطّلتي توحَشِيني💔 أنا ياما سعيت فى حُبك وعملت لبكرا شادر وانتي مع كل مره تيجي زي اللوادر بتهدي عليا أملي وتحلي بشكل عملي كنتي بتجيبي أجلي وانا كنت تمام وحاضر خبطتي فتحت بابي عمري ما قفلته مرة جرحك فوق استيعابي والموجه تملي حاره العمر في وهمه عدي والعده تجر عده آله جاهزه ومعده علشان تقتل عتابي انا جاي م الشعب عادي وانتي بنت الأكابر ساكنه قرب المعادي ساكن قرب المقابر فوِّت الغلطة فيكي وعملت عليا حاكم وبقيت عايش لوحدي مترمي في المحاكم الغلطه تملى عندى الجرح تملى ليا عايش فالشوق بلاكم بضرب وبتيجى فيا العمر بيجرى قطره والشطر يجر شطره وشتايا فعينى مطره ولا واحد حس بيا انا من ساعه ميلادى وانا بحكى القصه ديا هو كان حب هيا مبقاش حابب ودينى بطلتى توحشينى💔 من اول حد قالي اني موهوم وغافل ولأخر شخص ملي ولقاني عنيد وقافل انا ماسك توب رجايا وبدور طحن في رحايا واتاري الشوق عصايا والضرب شديد وحافل كان عقلي يقول غيتوني والقلب يقول "تمهل" الدمع يصيب عيوني والخد يقول "مؤهل" كنت ارفع ظني فيكي وامسح بالحب تحته قلبك عور براحته قلبك خبط براحته وانا كنت وحيد وحاير بين قطم الشئ ونحته الزرع دة اه... فلحته والباب دة انا اه... فتحته مش بس قبلت قلبك وكمان بردت ساحته أنا في العالم بحاله مافي واحد حَب قَدي عشمان في سلام مؤجل عشمان في حديد مصدي الكلمه سخيفه عدي المركب شارده هدي الدنيا ضبابى لندن وشايفها سويسرا وردى ملكتك نص ارضى جرفتى سنين فطينى بطلتى توحشينى 💔 الحب يعز صاحبه والحب يزيد مقامه بيبان فعنيه وصمته وفشكله ونوع سلامه ويبان على كل حركه ويكون فعل وكلامه وانتي لو جاي منك كان بأن في سنين ما بينا الزين ينهض ويمشي والشين يعرف مقامه انا نادر باقي عمري للي هاتصوني بعدك عمري ما خلفت وعدي عمرك ما وفيتي وعدك بكرا يقبلني خلي وانتي هاتموتي وحدك وانا ببدأ صفحة بيضا صفحة واسعة وعريضة مشتاق لحياة جديدة ولبنت تصون هوايا كان لازم اعيش عذابك علشان اعمل بداية وادي ختام الحكاية مريت مريتي مرّوا سنوات عمري اللي كرّوا عمر الاشواق ماسرّوا فاروا باوجاع وفرّوا داروا الاحباب وضرّوا باروا ساعة ما برّوا عايروا بهموم وعرّوا غاروا على عيون ف غروّا احلي الإحساس أمرّه اوفي الإحساس أشرّه ابرد إحساس أحرّه جاروا وببطء جرّوا نزفوا الدمعات وخرّوا واليوم صحيوا استقرّوا ف خلعتك من روتيني بطلتي توحشيني💔 #عمرو_حسن #بطلتي_توحشيني
@MOHAMED27RPITOS
5 ай бұрын
✨وبيقول قلبي بإرادته بطلتي توحشيني.✨
@mera-q8k
5 ай бұрын
للأسف ياعمرو مش بالسهولة دي لحد دلوقتي بيوحشني عايزة اعيطله واقوله بلاش بالله بلاش تبعد وتوجعني بلاش توجع قلبي وتعاملني بطريقة وحشة صحيح قولته اني هتخطاه بس قلبي لما بيشوفه بيحزن بحس ان في عياط في قلبي نفسي الحياة كانت تبقي بسيطة كنت هقوله اني بحبه وهفضل احبه لاخر يوم بسأل نفسي كل دقيقة ياترى فاكرني هو انا فرقت معاه قالي اني مش فارقة بس جوايا مبصدقهوش مش عايزة اصدق اني بعد السنين دي كلها قالي بكل جحود انتي مش فرقالي عندك حق لما قولت مش عارف اقول كرهتك مش عارف اقول نسيتك لا قادرة انسي وابعد ولا قادرة افضل واكمل ياريت اقدر اكمل
@LollM-vo6pv
5 ай бұрын
غلطانه . اللى ميشتريش خاطرك وحبك وزعلك ووقتك اللى خصصتهوله خساره تفكرى فيه اصلا ارمى تحت رجلك وربنا بيعوض بالاحسن وهيعوضك ب سيد سيده
@khledali647
5 ай бұрын
المفروض الحب ده يكون متبادل بين الطرفين، فا خلاص دلوقتي بقى طرف واحد ايه مخليكي ماسكه في حاجه بتذل وتوجع، وخصوصاً اننا عارفين إن الدنيا مبتقفش على حد ، واقنعي نفسك إن بعده عنك خير وربنا طلعك منها سليمه ، يمكن في خسائر نفسيه بس دي سهل تتصلح ... والحمدلله على كل شئ
@mera-q8k
5 ай бұрын
@@LollM-vo6pv ♥
@LollM-vo6pv
5 ай бұрын
متفضليش واقفه عند نقطة الصفر هتفضلى خسرانه وهو عايش حياته فكك منه
@mera-q8k
5 ай бұрын
@@khledali647 ماسكة فيه عشان احساسي اللي عملته علشانه الوقت والمجهود والطاقة طاقتي كلها خلصت عليه مش هقولك هو في عيوب بالعكس والله فيه مميزات كتير اوي كنت بحب ده كنت بشوفه مختلف مش زي الباقي ده اللي كان بيخليني متمسكه بيه كنت عارفة انه عمره م هيحبني بس كنت بقول هحاول انا عارفة اني الغلطانه من الاول عشان اتعلقت بحاجة مش ليا
@eslammosbah4046
5 ай бұрын
بداية معرفتي بيها كانت علي قصيدة وحشتيني لما قولتها في welcome party كلية اداب بورسعيد من اكتر من ٧ سنين من يومها و انا بشوفها في كل قصايدك و باخد كل كلماتك عليها ما اهي اصل مكنتش اي حد و بعد سنين طويلة مليانة احداث كنت محتاج لخاتمة او زي ما بيقولوا الامريكان closure للي جوايا و دلوقتي بس لقيت my closure متشكر ليك يا عمرو ❤
@DouaIsmail119
5 ай бұрын
يا رجل بدفع نص عمري و احضرلك حفلة هون بالشام ♥️♥️♥️♥️♥️♥️♥️♥️
@hassantwfiq8421
5 ай бұрын
المره الي فاتت احسن
@m.c3.25
5 ай бұрын
طالبة سادس مضغوطة عفت الرياضيات واجيت هنا 😞
@holyquran790
5 ай бұрын
روحي زاكري
@m.c3.25
5 ай бұрын
@@nahlaabulnour9585 اكو شي يضحك ؟😀
@gogo.m-e9y
5 ай бұрын
عندي امتحان بكره بس هسمعك بردوا 🙂😂❤❤❤❤
@عبداللهخلف-ج9ض
5 ай бұрын
السهره اهم 😂
@GegeKamel-vg8ji
5 ай бұрын
أنا فى العالم بحاله مافى واحد حب قدى عشمان فى سلام مؤجل عشمان فى حديد مصدى💔
@daviddoova6258
5 ай бұрын
واخيرا عرفت اقول بطلتي توحشيني 🎉 انشاء الله اتعفي تماما وارجع وحش كاسر وماديش قلبي لحد ابدا
@puzzles600
5 ай бұрын
عاش
@يارب-ط7م8ذ
5 ай бұрын
حاسه كل في التعليقات من الصف السادس وانا كمان + هربانه من الرياضه😂
@robykarota1766
5 ай бұрын
صوت الموسيقى عالى اوى المره اللى فاتت كانت احلى
@AhmedGamal-ob8oe
Ай бұрын
حد يعرف إسم المزيكا إللى شغاله دى
@mollyshootingstar4658
5 ай бұрын
Tuhfa❤
@Mohamed-Mekky22
5 ай бұрын
#_الشاعر_محمد_مكي في حد قربة يقدمك و حد قربة يغرقك وحد عايزك تسبقه وحد عايز يسبقك البعد اوقات يبقي خير ورساله عايزه تفوقك #_ملك_الحبر_محمد_مكي
@ahmedalam1
5 ай бұрын
في الليل والناس نيام 😥💔
@mostafasayed1958
5 ай бұрын
فرح حبيبتي بكره و عمري م هنساها لسه بحبها شوفتها انهارده صعبت عليا نفسي لكن عمري ما هبطل توحشني 😢
@nahlaabulnour9585
3 ай бұрын
وادى الحزن اللى اخدتة والجرح اللى اعتمدتة بيقوول قلبى بإرادتة "بطلتى توحشينى" 😮 ((( اخر حاجة اصدقها انها تتهديلى)))👌
@رومانىجميل-ض7غ
2 ай бұрын
ال
@Mohamed-Mekky22
5 ай бұрын
#_الشاعر_محمد_مكي في حد قربة يقدمك و حد قربة يغرقك وحد عايزك تسبقه وحد عايز يسبقك البعد اوقات يبقي خير ورساله عايزه تفوقك #_ملك_الحبر_محمد_مكي
@Soso-x1b8d
5 ай бұрын
بعد عني علشان فرق السن ضحي بحبي علشان شويه ارقام 💔💔
@mansourAhmed775
5 ай бұрын
إن شاءالله ربك هيعوضك للاحسن واكيد لسه معادك مجاش
@Mohamed-Mekky22
5 ай бұрын
#_الشاعر_محمد-مكي في حد قربة يقدمك و حد قربة يغرقك وحد عايزك تسبقه وحد عايز يسبقك البعد اوقات يبقي خير ورساله عايزه تفوقك ملك الحبر محمد مكي
@user-wh7cg9pq3p
5 ай бұрын
سبحان الله 🤍الحمد لله 🖤 لا إله إلا الله 🤎الله أكبر🩷سبحان الله وبحمده 💙سبحان الله العظيم 💚لا إله إلا أنت سبحانك إني كنت من الظالمين 💛استغفرك ربي وأتوب إليك🧡لا إله إلا أنت سبحانك إني كنت من الظالمين ❤️
@azeemallawy
5 ай бұрын
🎯🎯🎯
@Ibrahimsayed-s7d
5 ай бұрын
رغم اني اقنعت كل إلى حوليه اني بطلت احبها وانها مش ماثره فيا إلا أن مخدتي مازلت تشكي كل ليله لسه بتوحشيني 😢
عمري ما عرفت حب غير لما شوفتك بجد وعلشانك كنت ممكن اعمل اي حاجه عشقك وقولتلك انك الاول والاخر بلاش توجعني ومكنش ليا تجارب جيت انت لعبت بي وزلتني وهنتني وكسرت بخاطري بس الحمدلله اهو لما حد دلوقتي بيقولي عمرك ما حبيتي بقول واحد انت الوحد مش قادره اصدق اللي عملتها في هنت عليك ليها مش المفروض اني بنتك معقول بتعمل فيا انا كده بس صدقني يوم خطوبتك هتلقيني موجوده برضو علشان اشوفك طول عمري نفسي اشوفك بي البدله حته لو مش معايا كنت سبب سعاتي وبقيت نقطه ضعفي 💔🥀
@khaledmoka5917
5 ай бұрын
غلطان يا عمرو دايما وحشاني 💔🥺
@SaifMohamed-u1w
5 ай бұрын
عاملى يا عمرو والله بحبك يا جدع
@azeemallawy
5 ай бұрын
إصدار راااائع يا درويش القلوب 💔🫂💔
@NORAHESHAM-yv7kk
5 ай бұрын
حلوه اوي ي عمرو
@فرحهحسنابوزيد-ر3ج
5 ай бұрын
قلي ابعدي عني قولت مش هبعد و دوست علي كرامتي قلي ابعدي واعملي بلوك وكنتي محتاجاه اوي جنبي بجد وحسني أوي نفسي اروح واكلم معاه واقلو وحشتني عملت ليه كده حرام عليك أنا تعبانه من بعدك بس مش قادر أقول كل دا😭💔
@salmaziyad5324
5 ай бұрын
اعوذ بالله من تعلق وعدم معرفة قيمتك أعوذ بالله
@azeemallawy
5 ай бұрын
الله الله ❤❤💔💔
@hajarrihanna
5 ай бұрын
noooooo
@mrvtopm351
5 ай бұрын
♥
@azeemallawy
5 ай бұрын
🌴❤🌴❤🌴
@azeemallawy
5 ай бұрын
🦋🦋🦋
@azeemallawy
5 ай бұрын
💯💯💯
@TamerTalaat-nz9te
5 ай бұрын
❤❤
@ayamosman8457
5 ай бұрын
❤
@kero_makary
5 ай бұрын
اكثرهم وجع 😢
@youssefmostafa7819
5 ай бұрын
❤️❤️❤️🫡
@aymanmonn1187
5 ай бұрын
الف بركه انها غارت ف داهيه ياعم الدنيا فيها والله ناس احسن وأنسب ويحبونا عادي والله وبساطتهم وتلقائيتهم بيعملو فيه اللي كنا بنترجاه من ناس أقل كتير بس القط يحب خناقه ويقفل عينه وعقله وقلبه والدنيا واسعه يعني ومليانه
@alielayesh1373
5 ай бұрын
اول كومنت ومستنيها من زمان 👀
@thegodfather3564
5 ай бұрын
😢😢😢😢😢
@omar.harb-137
5 ай бұрын
اول ي جدعااان 😂😂❤
@Pink_Dream2024
3 ай бұрын
السلام عليكم استاذنا الفاضل انا صاحبة قناة احساس صادق للاشعار اتمني تتصفح المحتوي تبعي وانا واثقة انه هايعجبك لانه هادف وبناء حضرتك عملتلي اعجاب علي كواي واتمني التدعيم ووقوفك بجواري حيث اشعاري تظهر للنور❤
Пікірлер: 94