انا ابني تعرض للاغتصاب بالمدرسة مدرسة راهبات من قبل تلاميذ الترمينال وهو كان بصف الستيام 7ème اعتدو عليه بقلب الحمام اكتر من تلميذ عذبوه وشدولو بصدرو سحبوبولو صدرو لبرا بكل قوة لدرجه انو عيونو طلعو لبرا من البكي والوجع كانو شي سبع شباب عاوقت الفرصة هالشي من وقت طويل وهلق هوي صار بالعشرينات وبعدو حامل هالجروح بتبين بغضبو المكبوت بيصرخ كتير بيعصب عمل رياضة رفع الأثقال وصار جسمو كتير كبير وكلو عضلات بس ماعندو صداقات مع البنات ابدا كتير خجول واذا انوضع بموقف محرج دغري بيبكي وينزلون دموعو .هوي ما خبر شو صار بس قال انو شدولو بصدرو خبرنا انا وخوري الرعية كأنو كان مخجول يخبر شو صار معو بس انا متاكدة إنو تعرض لاعتداء كامل. المدرسة ماعملت شي ليلي اعتدو عليه بس شفهيا. وهلق بما انو حاليا عم يتضوى على هالقضية بحب اخد رايكن بالشي يللي صار مع ابني لأنو صار عندو مشاكل صحية بالمعدة وبعدو عم بيعاني وبياخد ادوية.
Пікірлер: 1