İmtahan binasına pəncərədən girənlər saxlanıldı - BAKU TV
Dövlət İmtahan Mərkəzi martın 12-də tam orta təhsil səviyyəsi üzrə buraxılış imtahanı keçirib.
Mərkəzdən verilən məlumata görə, 5 şagirddə və 1 nəzarətçi-müəllimdə mobil telefon, 1 nəfərdə isə smartsaat aşkarlanıb və araşdırma aparılması üçün imtahan qərargahına təhvil verilib.
Bundan əlavə, imtahanın gedişi zamanı binada əvvəlcədən gizlədilən 1 ədəd mobil telefon aşkar edilib. Ağcabədi rayonunda isə imtahan keçirilən binaların birinin arxa pəncərəsindən 2 nəfər kənar şəxs daxil olmağa cəhd edib və həmin şəxslər saxlanılaraq polis əməkdaşlarına təhvil verilib. Məlum olub ki, onlardan biri ümumiyyətlə buraxılış imtahanlarında iştirak etməyib, digəri isə ötən il imtahanda iştirak edərək 20 bal toplayıb.
Qurumdan həmçinin bildirilib ki, imtahanda iştirak etmək üçün tələb olunan sənədləri qaydasında olmayan - şəxsiyyət vəsiqəsini evdə unudan, etibarlılıq müddəti başa çatan, şəxsiyyəti təsdiq edən sənədin surəti ilə imtahana gələn və ya vəsiqəsində şəkli olmadığı üçün məktəbdən verilən şəkilli arayışı özü ilə gətirməyən şagirdlər də olub.
Qeyd edək ki, martın 13-dən etibarən DİM-də imtahan protokolları və cavab vərəqlərinin emalına başlanılacaq.
t.me/bakutvxeber
/ www.baku.tv
/ baku.tv
/ bakutvofficial
www.baku.tv
İmtahan binasına pəncərədən girənlər saxlanıldı
© 2023 © All Rights Reserved ℗ Baku TV
#imtahan #bina #hadise
Негізгі бет İmtahan binasına pəncərədən girənlər saxlanıldı - BAKU TV
Пікірлер: 223