Mubyeyi wasuye Kibeho - Abbé Emmanuel MISAGO, 2020.
Ndakuramutsa Mubyeyi w'Imana
Wowe wiyeretse abana bawe.
R/ Mubyeyi wasuye #Kibeho
Mutima wanjye usingize Imana
Yatwoherereje Umuhire w'ijuru.
Roho yanjye singiza Nyagasani
Nk'uko Umuja w'Imana abitwibutsa.
Ibisekurusa bigusingize
Ku bw'urukundo rutagereranywa.
Mubyeyi washatse ko dukundana
Urukundo nk'urw'i Nazarethi.
Gumya udutumeho abo witoreye
Bagutumikire nk'uko ubishaka.
Imyirongi n'impundu byaravuze
Igihe udusuye i Nyaruguru, mu Rwanda.
Dutoze kuvuga Rozari buri munsi
Kandi twisubireho duhinduke.
Udusabire ukwemera gushyitse
Twemere ubutumwa bw'umwana wawe.
Mama wacu, udusabire dukundane
Nk'uko Umwana wawe yadukunze.
Dufite imitwaro myinshi mù mitima
Yitwakire maze uyiduturire Yezu.
Twemera Yezu Kristu, Umukiza wacu
Ni we wakuduhayeho Umubyeyi.
Turakwibuka twese i Karuvariyo
Aho Umwana wawe yababarijwe.
Tuguhaye umwana mu mitima yacu
Tuguture Ishapule y'Ububabare.
Nyina wa Jambo twakunganya iki
Twihoreze Gihozo cy'Ijuru.
Nyenyeri yamurikiye i Nyaruguru
Tumurikire twese abana bawe.
Wowe Nyenyeri ituyobora
Wowe Mutoni watashye Ijuru.
Duhunde Umugisha wa Kibyeyi
Maze duhore tugushagaye.
Mubyeyi wasuye Kibeho, Abbé Emmanuel MISAGO, 2020.
Негізгі бет Mubyeyi wasuye Kibeho - Padiri Emmanuel MISAGO
No video
Пікірлер: 3