ကမ္ဘာ နဲ့အဝန်း စက်ဘီးစီးယဉ်ကျေးမှုဖွံ့ဖြိုးလာတာနှင့်အညီ စက်ဘီး Brand တွေ အမျိုးအစားတွေဟာဆိုရင်လဲ သုံးစွဲမည့်သူတွေရဲ့ လိုအပ်ချက်နှင့်အညီ တောင်တက်ဘီး၊ ပြိုင်ဘီး၊ မြို့တွင်းသုံးဘီး၊ စတန့်ဘီး နဲ့ စက်ဘီးနှင့် ခရီးသွားရတာနှစ်သက်တဲ့သူတွေအတွက် Touring ဘီးစတဲ့ စက်ဘီးအမျိုးအစားပေါင်းများစွာကို နည်းပညာပိုင်းအရရော အခြား performance ပိုင်းတွေမှာပါ တစ်စတစ်စ တိုးတက်ထုတ်လုပ်လာခဲ့ပါတယ်
ကျွန်တော်နိုင်ငံမှာလဲ စက်ဘီးအားကစားနည်း ပြန်လည်ထွန်းကားလာသည်နှင့်အညီ စက်ဘီးဝါသနာရှင်များမှာလည်း မိမိတို့စိတ်ကြိုက်ဘီးများကို ပြည်တွင်းမှာဝယ်ယူရုံတင်မကပဲ ပြည်ပမှ Classic Bike၊ Limited Edition Bike နဲ့ High-End Luxury Bike များကိုပါမှာယူတင်သွင်းလာကြပါတယ်
အားလုံးကိုဒီနေ့မျှဝေပေးချင်တဲ့ စက်ဘီးလေးအကြောင်းကတော့ Touring စက်ဘီးတွေထဲက High-End Brand တစ်ခုဖြစ်တဲ့ Co-Motion ရဲ့ PANGEA Touring စက်ဘီးလေးအကြောင်းပဲဖြစ်ပါတယ်။
စက်ဘီး Brand အကြောင်းစပြောရအောင်
ကားလောကမှာ Rolls Royce, Mercedes, BMW လို့ပြောလိုက်တာနဲ့ Luxury Class, High-end Class ကားတွေဆိုပြီး မိတ်ဆွေတို့ တန်းပြီးမြင်ကြမှာပါ Luxury Class, High-End Class ဖြစ်တာနဲ့အညီအခြား mid-range, low-range ကားများနှင့်မတူတဲ့ ဈေးနှုန်း နဲ့ အခြားကားတွေထက်သာလွန်တဲ့ price to performance မျိုးကိုပေးစွမ်းထားကြပါတယ် ဒီလိုပါပဲ Touring Bike ထဲမှာတော့ Co-Motion ရဲ့ PANGEA ဆိုတာ Touring Bike လောကထဲမှာ Mercedes ပါပဲ။
Co-Motion ဘီးများကို အမေရိကန်နိုင်ငံ Oregon ပြည်နယ် မှာတပ်ဆင်ထုတ်လုပ်ပြီး ဘီးတစ်စီးချင်းစီကို ကျွမ်းကျင် Machanic များနဲ့ Handmade Customed Build ပြုလုပ်ထားတာဖြစ်ပြီး ဘီးတစ်ဘီးအတွက် ထုတ်လုပ်ကြာမြင့်ချိန်ဟာ (၄) လလောက်ကြာမြင့်ပါသေးတယ် (တော်တော် သောက်ကြီးသောက်ကျယ် နိုင်တဲ့ Brand ပါ 🥴 ပိုက်ဆံရှိရင်တောင် အသစ်ကိုချက်ခြင်း ဝယ်စီးဖို့ခက်ပါတယ်)
High-End class ဖြစ်တာတဲ့အညီ ဝယ်သူမှာယူမှသာ ဝယ်သူရဲ့လိုအပ်ချက်နဲ့အညီ Customized ပြုလုပ်ပေးတာပါ (ဉပမာ - ဒီဇိုင်းကာလာ၊ ဖရိန်ဆိုဒ်၊ သုံးချင်တဲ့ gear နဲ့ ဝယ်တဲ့သူရဲ့စိတ်ကြိုက် နိုင်ငံအလံတွေ၊ နာမည်တွေ၊ လတ်မှတ်တွေ ကိုထည့်သွင်းနိုင်ပါသေးတယ်)
အခြားစက်ဘီး Brand တွေလို ကမ္ဘာအနှံ့ဆိုင်ခွဲပေါင်းများစွာမရှိပဲ Online နဲ့ တစ်ဆင့်ခံဝယ်ယူပေးတဲ့ agent တွေကနေပဲအများဆုံးရောင်းချတာတွေ့ရပါတယ်
PANGEA ရဲ့ Frame
26" လက်မခွေအမျိုးအစားသုံးဖြစ်ပြီး Reynolds 725 Steel Metal နဲ့ပြုလုပ်ထားတဲ့ Frame ဖြစ်တဲ့အတွက် Touring ဘီးတစ်စီးမှာလိုအပ်တဲ့ မာကြောမှု၊ ပေါ့ပါးမှု စတဲ့ဂုဏ်သတ္တိ မျိုးကိုလဲပေးစွမ်းနိုင်မှာပါ
Gearbox
နောက်ဆုံးပေါ် Pinion P1.18 18speed gearbox ကိုသုံးထားပြီး Gates Carbon Belt Drive ကြောင့် သင့်ကိုသင်စက်ဘီးနင်းနေရတယ်ဆိုတာကိုမေ့သွားလောက်အောင်ပေါ့ပါးနေစေမှာပါ Gearbox နဲ့ပတ်သက်လို့ လေ့လာချင်ရင် သူတို့ရဲ့ website ကဒီမှာပါ pinion.eu/en/w...
Brakes
TRP Spyre 160mm Disc ဘရိတ်ကိုသုံးထားပြီး သူ့မှာပါတဲ့ cooling techanology နဲ့ armory cover တွေကြောင့် ခရီးဝေးသွားတဲ့အခါပဲဖြစ်ဖြစ်၊ အဆင်းလမ်းတွေအသုံးများရင်ပဲဖြစ်ဖြစ် ဖြစ်တက်တဲ့ ဘရိတ်မမိတာတွေ ရွှံ့တွေသဲတွေဝင်ပြီးအပျက်မြန်တာတွေကိုလဲအခြား ဘရိတ်တွေထက်ပိုမိုကာကွယ်ပေးဦးမှာပါ
Wheels & Tires
Handmade Velocity Dyad 26" ဂွေကိုအသုံးပြုထားပြီး Schwalbe Marathon Mondial 2.0" တာယာကြောင့် မြေပြန့်ရော လမ်းကြမ်းပါမကျန် စိတ်ချလက်ချအသုံးပြုနိုင်မှာပါ
Special Features
ဒီဘီးမှာကျွန်တော်အကြိုက်ဆုံးနောက်တစ်ခုက Gearbox ပြီးရင် ဘီးတစ်စီးလုံးကို ထက်ပိုင်းခွဲသလို ဆက်ပေးထားတဲ့ CO-PILOT (S+S Couplers) ဆိုတဲ့ features လေးပါပဲ ခရီးဝေးသွားနင်းမည့်သူတွေ တစ်နေရာနဲ့တစ်နေရာ လေယာဉ်၊ ကား စတဲ့ယာဉ်တွေပေါ်ကို မိမိရဲ့ဘီးကိုလွယ်လင့်တစ်ကူ ဖြုတ်သယ်လို့ရအောင် လုပ်ထားတဲ့ Link လေးပါ အသေးစိတ်ကြည့်ချင်ရင် Video ထဲမှာကြည့်ပါဗျ
ဒီဘီးမှာတပ်ဆင်ထားတဲ့ ဒိုင်နမိုတွေ၊ မီးတွေ နဲ့ ကယ်ရီယာ တွေကတော့ Video မှာပြောပြထားပါတယ်
အခုပြောပြထားတဲ့ဘီးကိုမှာယူချင်တယ် မေးမြန်းလိုတယ်ဆိုရင်တော့ Bicycle Traveller Bike Shop နဲ့ The King Custom Bike Shop မှာမေးမြန်းနိုင်ပါတယ် အောက်မှာသူတို့ရဲ့ Facebook Page Link
/ bicycle-traveller-bike...
/ the-king-custom-bike
P.S
အခု sharing လုပ်ပေးသွားတဲ့ Co-Motion ရဲ့ PANGEA Touring Bike ဟာမြန်မာပြည်မှာရှိတဲ့စက်ဘီးတွေထဲမှာ တန်ဖိုးအမြင့်ဆုံးမဟုတ်သေးပါဘူး အခြားစက်ဘီးစီးဝါသနာရှင်တွေစုဆောင်းထားတဲ့ သိန်းရာချီတန် ဘီးတွေလဲမြန်မာပြည် စက်ဘီးလောကမှာရှိနေပါပြီ အဲ့ဘီးတွေကိုနောက်အခွင့်အရေးရရင် တင်ဆက်သွားပါဦးမယ်
နောက်ဆုံးအနေနဲ့ပြောချင်တာက Luxury ဘီးဖြစ်မှ Bicycle Touring ထွက်လို့ရတာတော့မဟုတ်ပါဘူး အဓိက ကတော့မိမိတစ်ကယ်သွားချင်မယ် လွတ်လပ်မှုရဲ့အရသာကိုခံစားချင်တယ် စက်ဘီးလဲစီးချင်တယ်ဆိုရင် ဂျပန်ဘီးအစုတ်ကလေးနဲ့လဲ ကမ္ဘာပတ်လို့ရပါတယ် Peace ✌🏽
#YGNScream
#Lifestyle & #Madness
#Safety
#CoMotion #Pangea #Pinion
#BicycleInMyanmar
#BicycleInYangon
#BikeInYangon
#Yangon
Our Facebook Channel - / ygnscream
Our Instagram Page - / ygnscream
Негізгі бет မြန်မာငွေ သိန်း ၁၈၀ တန် Customed Build Co-Motion Pangea စက်ဘီးအကြောင်းပြောမယ်
No video
Пікірлер: 159