နှစ်ဖက် အကျအဆုံးရှိ၊
တိုက်ပွဲမှာ ကျဆုံးတဲ့ မြင်းခြံ MBT ရဲဘော်ရဲ့ နာရေးကျင်းပ၊
MN/MFP ၊ ဖေဖေါ်ဝါရီ - ၃
မန္တလေးတိုင်း မြင်းခြံမြို့နယ်၊ စံပြရွာ ကျေးလက်ဆေးပေူခန်းထဲ စီးနင်းအထိုင်ချ တပ်စွဲနေပြီး ဒေသတွင်း လူသတ်၊ လုယက်၊ မီးရှို့နေတဲ့ စစ်အုပ်စုကို မနေ့ ညနေပိုင်း တော်လှန်ရေးတပ်တွေက စီးနင်းတိုက်ခိုက်ခဲ့ရာ စစ်အုပ်စု (၁၀)ယောက် သေပြီး သေနတ်လေးလက် သိမ်းဆည်း ရရှိတယ်လို့ ဒေသခံ သတင်းရင်းမြစ်တွေက ပြောပါတယ်။
ဖေဖော်ဝါရီ(၂)ရက်၊ ညနေ(၄)နာရီခွဲ့ မြင်းခြံမြို့နယ် စံပြကျေးရွာထဲ စီးနင်းအထိုင်ချ တပ်စွဲနေတဲ့ စစ်အုပ်စုကို မြင်းခြံခရိုင် တော်လှရေး အင်အားစုတွေက စီးနင်းဝင်ရောက် တိုက်ခိုက်ခဲ့တာလို့ ဆိုပါတယ်။
တိုက်ပွဲအတွင်း စစ်အုပ်စု (၁၀)ယောက်ခန့် သေပြီး (MA-1)သေနတ် သုံးလက်၊ ကာဘိုင်တစ်လက် ရရှိသလို မင်းအောင်လှိုင်သား ပိုင်တဲ့ တာဝါတိုင်ကို ဆီလာဖြည့်တဲ့ ကားတစ်စီးနဲ့ ဆီပေပါ နှစ်လုံးလည်း သိမ်းဆည်း ရရှိ တယ်လို့ ဆိုပါတယ်။
အဲ့ဒီတိုက်ပွဲအတွင်း မြင်းခြံခရိုင် တပ်ရင်း (၉) - Myingyan Black Tiger (MBT) တပ်ဖွဲ့ဝင် အသက်(၂၃)နှစ်အရွယ် ရဲဘော် ဝိုင်းချစ်မင်း (ခ) ရဲဘော် ကုလားလေး ကျဆုံးတယ်လို့ MBT ယာယီတပ်ရင်းမှူး ဗိုလ်မိုက်ခဲက MFP ကို ပြောပါတယ်။
ရဲဘော် ကုလားလေးရဲ့ နာရေးကို ဒီမနက်ပိုင်းမှာ ကျင်းပခဲ့တယ်လို့လည်း ဆိုပါတယ်။
တိုက်ပွဲဖြစ်ပြီးချိန် စစ်အုပ်စု ရောက်လာကာ ဒေသခံပြည်သူတွေကို ရန်ပြု ပစ်ခတ် သောင်းကျန်းနေလို့ မြင်းခြံနယ် စံပြကျေးရွာက ပြည်သူတွေ ရွာလုံးကျွတ် ထွက်ပြေးနေရတယ်လို့ နွားထိုးကြီး သတင်းစုံ NTI က ဖော်ပြပါတယ်။
စစ်အုပ်စုဟာ မြေပြင် တိုက်ပွဲမှာ အထိနာ အသေများတိုင်း အနီးဆုံးမှာ ရှိတဲ့ ပြည်သူကို ရန်ပြု သောင်းကျန်း သတ်ဖြတ်နေတာ ဖြစ်ပါတယ်။
ဖေဖေါ်ဝါရီ(၂၈)ရက်ကလည်း မကွေးတိုင်း၊ ရေစကြိုမြိုနယ်၊ ဆင်မရဲကျေးရွာ ပျူစခန်းကို တော်လှန်ရေးတပ်တွေက တိုက်ခိုက်သိမ်းပိုက်ခဲ့ပြီးနောက် စစ်ကူရောက်လာတဲ့ စစ်အုပ်စုက အနီးအနားက အိမ်ခြေ(၃၀၀)ကျော်ရှိတဲ့ ကြူရွာကို အကြောင်းမဲ့ စီးနင်းဝင်မွှေ လုယက်ကာ ရွာလုံးကျွတ် မီးရှို့ဖျက်ဆီးခဲ့ပါတယ်။
#Mandalay_Free_Press_MFP
Негізгі бет မြင်းခြံ စံပြရွာ စစ်အုပ်စု စခန်းသိမ်းတိုက်ပွဲ သေနတ်လေးလက်ရ၊
No video
Пікірлер: 56