Бүгінгі мереке әлемнің 60 елінде тойлануда. Нью-Йорктің Орталық саябағында тағдыр жазуымен Мұхит асқан қазақстандық балалар жиналды. Бұл бүлдіршіндердің барлығын Америка азаматтары асырап алған.
Балғындар байқаулар, спорттық жарыстар мен викториналық сұрақтар сайысына қатысып, ұлттық тағамдардан ауыз тиіп, сыйлықтарға ие болды.
Ата-аналарының да ризашылығында шек жоқ. Осы мереке арқылы балалар туған елінің дәстүр-мәдениетімен жақынырақ танысуға мүмкіндік алды.
Игі шараға еліміздің Нью-Йорктегі бас консулдығы мен Қазақстан-Америка Альянсы мұрындық болды.
Орталық баққа барғандар сонымен қатар «Дара» қайырымдылық қоры ұйымдастырған «Күлкі күні» акциясына да атсалысып, Қазақстандағы барлық балаларға смайликтерін жолдады.
Мелани
-Мен қазақстандық шараға америкалық ата-анаммен бірге келдім. Мұнда сондай қызықты ойындар, сайыстар ұйымдастырылды. Мен Қазақстанды тудым. Мені асырап алған, бірақ есімде ештеңе қалмапты. Азиялық екенімді білемін. Генри, Оливер және Мэйджор деген достарым бар. Олар да негізінен қазақстандық балалар.
Роб Тейлор, Қазақстаннан асырап алған баланың әкесі
-Біз балаларымыз қазақстандық құрбы-құрдастарымен таныссын деп Нью-Йоркке Пенсильваниядан келдік. Ұлымыз Эндрюдің жасы 9-да, ол Астанадан. Оны 2006 жылы асырап алдық. Тегі туралы ештеңе білмейді. Жұбайымыз екеуміз ол өз Отаны, мәдениеті туралы білу тиіс деп есептейміз. Америкадағы қазақстандық шараларды жіберіп алмауға тырысамыз. Осындай мерекені ұйымдастырғандарға рахмет айтамыз.
Негізгі бет Фильм және анимация Нью-Йорк саябағына шетелдіктер асырап алған қазақстандық балалар жиналды
Пікірлер: 9