"حنا سعوديين"
حنا السعويين ياعمي الابصار
حنا محبتنا لبعضنا طبيعه
حنا معى حكامنا نبني الدار
وقلوبنا تعطي الولا بلا رجيعه
الله خلقنا للحرمين نصار
من ينصر الله ينصره ما يضيعه
حنا خيار الخلق في دار الاخيار
حنا على نهج الرسول وتبيعه
حنا المصابيح المشعه والانوار
حنا ذرى الاسلام حنا ربيعه
يادار ماهزك زوابيع وعصار
فيكي الجبال الراسيه و المنيعه
حكامها هماتها فوق ياصغار
متعليه عن كل فعله وضيعه
يحكم بها سلمان و محمد البار
بالعدل والحكمه وحزم الشريعه
دستورنا الاسلام وان صار ماصار
الحكم واضح للفعول الشنيعه
مانقبل الاعذار لوقالو اعذار
اللي غلط قدر الجزى من صنيعه
يادار لاتستغربي حقد الاشرار
اللي يحيكون الفتن بالخديعه
تروج الاخبار وتزيف اخبار
عبر الرسايل والبثوث السريعه
قلوبهم من حقدها اسود من القار
تعمى عيون الحقد لوهي و سيعه
يامحمد الانذال من عزمك اتغار
وكلٍ يدور للخطى و الذريعه
اللجم فواه الشر واحسب للاقدار
ومن باعنا مانلتفت له نبيعه
قود السفينه يامحمد للابحار
وكمل لخطوات المسير الوقيعه
ياصاحب الانظار يابعيد الانظار
واصل وتحقيق الامل تستطيعه
شعبك معك متكاتف وكله اصرار
يطلع معك فوق النجوم الرفيعه
شعر
عبدالله بن عبدالرحمن السديري.
-----
تصميم : سهم العبادل .
تنفيذ واشراف : لويحقاني .
Негізгі бет || حنا السعودين || كلمات : عبدالله السديري أداء : فارس العضيلة
Пікірлер: 1