بـدعٍ بدعنابـه وحنالـه وجينابـه وسرنابـه ويعجـز بـدع قافـه كـل سـادات الـعـرب
في وقت حيفه صار شيفه حد سيفه من رهيفـه يبتـر الهامـات والجمهـات والعظـم الجليـد
الورع جاله بالفشاله والجهاله لحيةٍ مدري مـن اي دار نبتـت والبنيـه جالهـا ذقـن وشنـب
يالله دخليك من عنا الدنيا دخيلك انت يا حامي خليلك وانت يـا حاجـي حجـا البيـت العتيـد
شفت الشعر فيه الجعر شين الظهر حتى الشعر واصبح بحر والذيب راع الطيب في بحره نشب
والحر عام اول تحول صار شوّل يـوم غـوّل والدهـر طـوّل وحـول بالذيابـه يـا عبيـد
القاف ضمه له وليد امه وطبـح فـي مجمـه وسـط فمـه ماسـكٍ رضّيعتـه منـه شـرب
وابن القبيله كالحليلة شف شليلة في مقيلـة رابـطٍ رجلـه وذيلـه مـع حصيلـه وسـط قيـد
في وقتٍ ادلم ازلم اظلم فيه الاعجـم صـار شاعـر فـي زمـانٍ كـل مـا وسطـه عجـب
وقتٍ به الشاعر تغيّر لا يجار ولا يجيّر فالعرب سموى الذنـب يـدور مـن يشـري القصيـد
الشعر عوّد في يد البزران والخبلان والسفهان حتى ضـاع منـه الشـان واجنـب وانسحـب
وصحنا ونحنا يوم رحنا فالقصيد اجناب يوم انّا هله في مدهلـه فـي زاخـر ابحـوره نجيـد
يا منادي ٍ بإسـم البـداوه والحـلاوه والطـراوه والنعومـه والليونـه فـي خـدودك تقتلـب
عيش البدو كله قساوه يالقطاوه ما تشاوه وانتوا مـا شفتـوا مـن الدنيـا علـى الدنيـا شديـد
خل الشعر لمحيسن وعجران مع راكان مع نمر ابن عدوان مـع ابـن احميـد شيـخٍ بـالادب
والقاضي محمد وابن لعبـون راع افنـون يـم ديـار مـي والشوامـي مالـكٍ تـاج النشيـد
والعوني بوقتٍ مضالـه والخـلاوي راشـدٍ مفـرقٍ وسـط السمـاء نجـمٍ ورا نجـمٍ رهـب
وبديوي الوقداني وابن سبيّل ببـدع المعانـي والذويبـي عنـد سرحانـي ثنـا بسيـفٍ جديـد
ودغيّـم الظلمـاوي وابـن شريـم وابـن دويـرج ومثـل الجبرتـي وابـن هـذالٍ كـسـب
بيض القوافي والرهافي يوم هاف الجد لين السد زين الخد مـا طـاول علـى البيـدا صعيـد
وابن ربيعه والسديري هم بحور القاف ياعـراف امـا الوقـت ذا فالشعـر مـا عـده نضـب
واللي بقوا شقف ابلحه اتفل عليهم لعنبـو منهـو غذاهـم والعـن آبـو آبـو ثواهـم والكديـد
والله ما يمسك لساني عن بيانـي فـي المعانـي والكـلام المقرحانـي مـن نوانـي بالعطـب
ما كتب لي منه ابتلي غصـبٍ علـي حكـم ٍ جلـي ومكمّلـي مـن عنـد العـرش المجيـد
حاورت جن الليل يوم اسهيل جر الذيل مثل الخيل فـي دوٍّ بعيـد الـدار باطـراف القصـب
شامي على الغبه صلفته عقب شفته ما عرفته يـوم حفتـه والمصيقيـل ابـن نـزاع الهضيـد
في وسط ديـرة مستديـرة والضبـا ابهـا مستذيـره والهبايـب مستثيـره والقوافـي تلتهـب
شبت هجوسي مثل نيران المجوسي وانثنـت عنـي لبوسـي وانثنالـي كـل شيطـانٍ مريـد
واللي إيتحداني يقرّب ثم يجرّب والمعرّب ما يدرّب حاضـر ابحاضـر قنـا وسيـفٍ عضـب
مـا كسّـر اقفـول الحديـد الكايـدات الصالبـات الشامـخـات الصامـتـات إلا الحـديـد
ومااقول ما بالوقت ذا شعار فيه اللي يجيب القاف صنع انظاف لا زعزع على كـوره وجـب
بس آه يا قل قلهم ولا كلهم لو كان شاعـر معـه اباعـر قـادرٍ فـي سبكـة القـاف الجويـد
Негізгі бет ناصر الفراعنة: يجلد ابن الذيب "حاضر ابحاضر❗
Пікірлер: 2,5 М.