Сонау өткен жылдары Қазақ хандығының тарихында ерекше атап өтілетін атақты Шу өзенінің бойында орналасқан Жамбыл облысы Шу өңіріндегі Теректі жайлауында өмір кешкен Сиқым бабадан тараған Ақылбек руының бір тармағы Тезекбайдың ұрпағы Нарбай әулеті Көпбайдың отбасында 1923 жылы желтақсан айының 15-ші жұлдызында Нұрмағанбет Көпбайұлы дүниеге келген.
Көпбайұлы Нұрмағанбет сол айтулы ауылда алғашқы сауатын 1932-1939 жылдары Көктөбе ауылындағы жетіжылдық мекептен білім алған.
Нұрмағанбет Көпбайұлы алғашқы еңбек жолын 1941 жылдың қыркүйек айында Шу ауданының білім бөліміне қарасты бастауыш орта мектептің оқытушысы болып бастады. 1942 жылдың мамыр айында Кеңес Армиясының қатарына шақырылып, 1945 жылдың мамыр айына дейін Ұлы Отан соғысында болған. Ұлы Отан соғысы кезінде Нұрмағанбет Көпбаев Кеңес Одағының Маршалы Будённыйдың атты әскер қатарында ғы Солтүстік Кавказ майданында жауынгерлік борышын өтеді. Нарбай әулетінен Отанымызды қорғауда Ұлы Отан соғысына аттанғандардан елге аман-есен оралғандар әкеміз Нұрмағанбет Көпбайұлы мен оның әкесінің кіші інісі Әшербек Нарбайұлы ғана болды. 1945 жылы мамыр айында Ұлы Отан соғысынан жеңіспен оралған Нұрмағанбет атамыз 1946 жылы Шу ауданының «Саюз печать» мекемесінде меңгерушісі болып қызмет атқарды. 1947 жылы Шу ауданына қарасты аудандық қаржы бөліміне Бас инпектор қызметіне ауысты. 1949 жылы Новотоицк ауылындағы қазақ орта мектебіне есепші қызметіне тағайындалды. Осы жылдың қыркүйек айында аудандық атқару комитетіне қарасты Бірлік поссоветінің жауапты хатшылығына тағайындалды. Осы қызметін абыроймен атқара жүре 1953 жылы аудандық қаржы бөлімінің учаскелік инспектор қызметіне ауысады. 1958 жылдың басынан бастап, Шу аудандық мал бордақылау базасының меңгерушісі болады. Шу ауданының қатарында 1963 жылы «ЖОС» Жайсан мал бордақылау совхозы ұйымдастырылып, құрылған болатын. Сол уақыттан бастап, еңбек жолының соңына дейін Нұрмағанбет Көпбайұлы осы «ЖОС» совхозының бірнеше саласында жауапты қызметтер атқарған. Атап айтсақ, Жайсан мал бордақылау совхозының «Жайсан», «Тасөткел» бөлімшелерінің учаске және ауданаралық мамандандырылған бөлімшелерінің басқарушысы болған.
Негізгі бет Нұрмағанбет Көпбайұлы Совет Одағының жоғарғы марапаты «Ленин», «Еңбек Қызыл Ту» орденінің иегері
Пікірлер: 2