Мазалайды бізді анық Амалсыздық, күрсіну. Екеуімізге қызғанып Қарап тұрды бір сұлу, Қарап тұрды бір сұлу. Түсінгенмен не етемін? Еркінсуге болмайды. Құйып-құйып кетемін Көздеріңе мол қайғы, Көздеріңе мол қайғы. Екеуімізді қоспайтын Жатыр алда жол бөлек. Жанарыңда - жас, қайғы. Ай барады дөңгелеп, Ай барады дөңгелеп. Бұл ақымақ сезімді Көндірейік ақылға. Көзіңдегі көзімді Жоғалтпай жүр, мақұл ма, Жоғалтпай жүр, мақұл ма?! Солқ еткендей жүрегім Белгісіз бір екпінмін, Күлдей болып гүл өңім, Үнсіз шығып кеттім мен, Үнсіз шығып кеттім мен. Ақылдымыз, осы рас, Ісіміздің бәрі ізгі, Тек махаббат есуас Жылап қалған тәрізді, Жылап қалған тәрізді.
Пікірлер: 5