Festival MIK - Melodije Istre i Kvarnera 2022 predstavlja pjesme MIK - 2022
NAŠ JURE Erik Balija
(Erik Balija - Ljubica Bestulić Stanković - Mauro Giorgi)
Svaki dan naš Jure gre u oštariju,
tamo u kantunu čeka kumpaniju.
Kada dec popije, zajno se na smije,
pa povida svima ča sve doma ima.
Dvi košulje stare, obe prez botuna,
jenu žlicu i dva gobasta piruna.
Brek po korti laje, miš po hiži štrče,
zuz ognjište mačka trdo spi i hrče.
U postelji zima, a divojku ima,
a divojku ima, i ima - i nima.
ŠU LEVAJ SE JURE
RAZBUDI SE VREDA
OKOLO SE ŠUŠKA
DA JE DRUGI GLEDA
ČA JOŠ ČEKAŠ KUME
VRIME BRZO LETI
SUTRA ĆE JE TEBI
SPRID NOSA UZETI
ŠU LEVAJ SE JURE
NI MINUT NE GUBI
OKOLO SE ŠUŠKA
DA JE DRUGI LJUBI
ČA JOŠ ČEKAŠ KUME
HOJ SE UŽENITI
PREZ LJUBAVI, ŽIVOT
TEŠKO JE ŽIVITI.
Neka pušu vitri
i snig sve zamete
Jure naprid hita
briškulu trešete
Kada dec popije.....
Негізгі бет Тәжірибелік нұсқаулар және стиль NAŠ JURE Erik Balija (Erik Balija - Ljubica Bestulić Stanković - Mauro Giorgi)
Пікірлер: 4