“ერთობის ზეიმი”
პარიზი
21.05.2023
( I ნაწილი )
მისი მაღალყოვლადუსამღვდელოესობის დასავლეთ ევროპის მიტროპოლიტ მეუფე აბრაამის (გარმელია) კურთხევით, საფრანგეთში, წმ. თამარ მეფის სახელობის ტაძრის წინამძღვრის, არქიმანდრიტ ანტონ კანდელაკის ორგანიზებით, საფუძველი ჩაეყარა “ერთობის ზეიმს", სადაც მასპინძელ ანსამბლთან ერთად, მონაწილეობა მიიღეს ესპანეთში და იტალიაში არსებულმა ქართულმა ანსამბლებმა.
მადლობას ვუხდით სამრევლოების წინამძღვრებს, პარიზის წმ. თამარ მეფის სამრევლოს წინამძღვარს, არქიმანდრიტ ანტონ (კანდელაკს) ამ არაჩვეულებრივი იდეის ავტორს! ბარსელონას წმ. ნინოს სამრევლოს წინამძღვარს, არქიმანდრიტ ლუკა (ფალავანდიშვილს) და ფლორენციის წმ. ნინოს სამრევლოს წინამძღვარს, არქიმანდრიტ ანდრია (ლაცაბიძეს) ამ შესანიშნავი იდეის გვერდით დგომისათვის და ხორცშესხმისათვის.
მადლობა დაუვიწყარი საღამოს ორგანიზებაში მონაწილე თითოეულ წევრს უკლებლივ!
“ერთობის ზეიმის” მიზანია, შეკრიბოს და გააერთიანოს ევროპის სხვადასხვა ქვეყნებში მიმოფანტური ქართული გენი.
21 მაისის ღონისძიება სწორედ ამის დასტური გახლდათ.
სცენაზე ერთმანეთს ენაცვლებოდნენ საფრანგეთში, ესპანეთსა და იტალიაში მოღვაწე ქართული ხალხური სიმღერისა და ცეკვის ანსამბლები: “თამარიონი”, “ჯეორჯიან ფოლკი”, “ნანილა”, “ვაზი”, “ქართველო”, “ტრიო ტერცია” და უსაყვარლესი მომღერალი, მასპინძელი გუნდის წევრი_ ელგა ფორჩხიძე.
თამამად შეგვიძლია ვთქვათ რომ “ერთობის ზეიმი” ნამდვილად შედგა.
ანსამბლი “ნანილა” განსაკუთრებულ მადლობას უხდის ჩვენი ანსამბლის ფუძემდებელს, არქიმანდრიტ ანდრია ლაცაბიძეს გვერდით დგომისათვის.
უდიდესი მადლობა ანსამბლის ქორეოგრაფს ქალბატონ _ რიტა სიმსივეს და მუსიკალურ ხელმძღვანელს _ მაია სიმონიშვილს,
ჩვენს განუყრელ “ტრიო ტერციას”_ ქალბატონ ლაურა ქუთათელაძეს და მარინა ახვლედიანს, თეო ბუცხრიკიძეს ცეკვა “იავნანას” უმშვენიერესი კოსწიუმის ესკიზის შექმნისთვის, მადლობა ანსამბლის თითოეულ წევრს, დაუღალავი შრომისათვის და “ნანილას” ასეთი სიყვარულისათვის და ბოლოს განსაკუთრებული მადლობა ჩვენს უსაყვარლესს ერთგულ მაყურებელს, რომელთაც ჩვენთან ერთად განვლეს 15 საათიანი გზა და სიხარულით ჩაერთნენ “ერთობის ზეიმის” ფერხულში.
მადლობა ასევე იტალიიდან და საქართველოდან ჩვენი წარმატების მსურველთ!
გვინდა კიდევ ერთი განსაკუთრებული მადლობა გადავუხადოთ ჩვენს ვიდეოგრაფებს და ფოტოგრაფებს.
რომ არა ისინი, ბევრი საინტერესო და ემოციური კადრი დაგვრჩებოდა აუღბეჭდავი.
მადლობა ყველას!
“ერთობის ზეიმმა” სტარტი აიღო და შემდეგი შეხვედრის ადგილი ფლორენციის წმ. ნინოს სამრევლოა.
მომავალ შეხვედრამდე
❤️
Негізгі бет “ნანილა”- პარიზი-“ერთობის ზეიმი” (I ნაწილი)
Пікірлер