നന്മയേറുന്നൊരു പെണ്ണിനെ വേൾപ്പാനായ്
നാഥനെഴുന്നള്ളും നേരത്തിങ്കൽ
ഭൂതങ്ങളെ കൊണ്ടകമ്പടി കൂട്ടീട്ട് കാള മേലേറി നമ:ശ്ശിവായ
നാരിമാർ വന്നിട്ട് വായ്ക്കുരവയിട്ട് എതിരേറ്റ് കൊണ്ടങ്ങ് നിൽക്കുന്നേരം
ബ്രാഹ്മണരോടും പലരോടുമൊന്നിച്ച്
ആർത്തകംപുക്കു
നമ:ശിവായ
മദ്ധ്യേ നടുമുറ്റത്തൻപോടെഴുന്നള്ളി
ശ്രീ പീഠത്തിൻ മേൽ ഇരുന്നരുളി
പാനക്കുടവും ഉഴിഞ്ഞു ഹരനെയും മാലയുമിട്ടു നമ:ശ്ശിവായ
മന്ത്രകോടിയുടുത്തുവഴി പോലെ കാലുംകഴുകി അകത്ത് ചെന്നു
ആവണ വെച്ചിട്ടതിൻമേലിരുന്നിട്ട്
അഗ്നി ജ്വലിപ്പൂ നമ: ശിവായ
ചിറ്റും ചെറു താലി കൊണ്ടങ്ങ് ശോഭിച്ചു കറ്റക്കുഴലാളു നിൽക്കുന്നേരം
മാതാവ് വന്നിട്ട് മാല കണ്ണാടിയും കൈയ്യിൽ കൊടുത്തു നമ:ശ്ശിവായ
ശിൽപമായ് മുക്കണ്ണൻ തന്റെ മുഖം നോക്കി തൃക്കയ്യിൽ മാല കൊടുത്തു ദേവി
കാണവും നീരുമായ് വാങ്ങി കൊണ്ടങ്ങിനെഹോമം തുടങ്ങി നമ:ശ്ശിവായ
വാസുകി പൂണ്ടൊരു പാണി കൊണ്ടങ്ങിനെപാർവ്വതി തന്നുടെ കൈ പിടിച്ചു
പാണിഗ്രഹണം ചെയ്തു ഭാര്യയായ് കൊണ്ടുടൻ പാർവ്വതി തന്നെ നമ:ശ്ശിവായ
വാസുദേവനും ഹരനും മുനികളും ഭൂതഗണങ്ങളോടുമൊരുമിച്ചിട്ട് തൃശ്ശിവപേരൂർ അകം പുക്കിരിക്കുന്ന ശ്രീ നീലകണ്ഠൻ നമ:ശ്ശിവായ
ഏണാക്ഷിമാർ പലരോടുമൊരുമിച്ച് പിന്നേയും പാർവ്വതി തന്നെ അലങ്കരിച്ചു.
തുടി കുളി കല്യാണം ആഘോഷിച്ചങ്ങനെ ശേഷം കഴിഞ്ഞു നമ:ശ്ശിവായ
എങ്കിലോ പണ്ട് വടക്കുന്നാഥൻ താനും പാർവ്വതിയോടുമായ് ചേർന്ന കഥ പാടുന്നവർക്ക് നെടുമംഗല്യം നൽകുംവേർപ്പെടാ എന്നു് നമ:ശ്ശിവായ
വേർപെടാ എന്ന് നമ:ശ്ശിവായ
വേർപെടാ എന്ന് നമ:ശ്ശിവായ
Негізгі бет Nanmayerunnoru Pennine | Ayanioon|
Пікірлер: 9