Бұған дейін талай рет ереуілге шыққан Жаңаөзеннің «Кезби» компаниясының жұмысшылары Елордаға келіп, еңбек министрлігінің алдында түнеп жатыр. 10 күннен бері далада қонып жүрген олар, барар жеріміз қалмады деп наразы. Сөздерінше басшылары жалақыны көтереміз деп, кейін уәдесінде тұрмай қойыпты. "ӨзенМұнайГаз" компаниясының мұнайшыларымен бірдей жұмыс істесек те, жалақымыз олардан әлдеқайда аз дейді кезбиліктер.
Жалақы мәселесін көтеріп, бірнеше рет ереуілге шыққан «Кезби» компаниясының жұмысшылары басшылық берген уәдесін орындамады деп ашулы. Маңғыстаудан мәселенің шешімін таба алмай, 24 азамат Елордаға келіп, еңбек министрлігінің алдында түнеп жатыр. Маңдай теріміздің ақысы адал төленсін деген олар, басшылық сөзінде тұрып, жалақыны 30 пайызға көтерсін деп талап қойып отыр. Еңбегімізді лайықты бағаламағандарымен қоймай, жұмыс сағатымызды аз есептейді деп наразы.
ҚУАТБАЙ ТЕМІРБАЙҰЛЫ, "Кезби" ЖШС жұмысшысы:
- Әлік Айдарбаев бізге Маңғыстау облысына келіп, ҚазМұнайГаздың басшысы ӨзенМҰнайГазға 30 пайыз жалақы көтеріледі. Қасындағы серіктес, мердігер мекемелерге де толықтай сол айлық көтеріледі деген. Сол сөзі сол айтылған жерде қалды. Ештеңе шешілген жоқ. Сондықтан біз соны талап етіп сұрадық. Маңғыстау облысында ешқандай шешім таба алмағандықтан, осы астанаға келдік.
10 күн бойы министрлік алдын тоздырған Жаңаөзендіктер, өткен-кеткен бір шенді-шекпенді қал-жағдайымызды сұрамады деп қапалы. Ал министрлік өкілі 20 күннен бері жұмысшылар талабын орындау үшін жұмыс істеп жатырмыз дейді.
ТӨЛЕГЕН ОСПАНҚҰЛОВ, Еңбек, әлеуметтік қорғау және көші-қон комитеті төрағасының орынбасары:
- Баратын комиссияны өзім басқарып баратын болдым Жаңаөзенге, Кезби мекемесіне. Басқа өңірлерден, атап айтатын болсақ, Қызылорда, Атырау, Ақтөбе облысынан 1-1 инспекторларды алып отырмын, и жергілікті 3 инспекторды алып, жалпы 10 адам болып тексеріске барайық деп жатырмыз.
Министрлік бастап баратын өкілдер дүйсенбіден бастап жұмыс беріп отырған компанияда тексеру жұмыстарын бастайды. 1 аптаға жеткізбей мәселелерді шешеміз дейді министрлік
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#наразылықтар #Кезби #жұмысшылар_ереуілі
Негізгі бет Наразы жаңаөзендік жұмысшылардың жанайқайы Елордаға жетті
Пікірлер: 43