Toshkent viloyati Oqqo’rg’on tumanida Jahongir Ulug’murodov bo’yicha ish yakunlandi.
Hech qanday ijtimoiy havfi bo’lmagan nashidni linkini do’stlari bor guruhga jo’natgani uchun sudya 3 yil qamoq jazosini berdi, baraka topsin.
Birgina mazmuni tushunmay jo’natilgan qo’shiq uchun(birorta sinfdoshi ochib ko’rmagan, eshitmagan) 3 yil. Bu adolatli jazo emas. Bu qiyomatda javobi og’ir, adolatsiz hukm.
Toshkent viloyati Yangiyoʻl tumanidan boʻlgan 21 yoshli, Toshkent Davlat Iqtisodiyot Universiteti 2-bosqich talabasi(grant asosida oʻqiydi), oilasining asosiy boquvchisi, millatning oltin boshlaridan biri Jahongirni sud ishidan chiqdik.
Sud viloyatning eng chekka hududi Oqqoʻrgʻon tumanida boʻlib oʻtdi.
Jahongir aybi quyidagicha: 2022-yilning oktyabr oyida KZitem da nashida eshitib qolgan(maʼnosini tushunmagan, chiroyli musiqasini yoqtirgan), saqlamagan, shunchaki qo’shiq linkini 10 nafar sinfdoshlari boʻlgan Telegram guruhga tashlagan. Birorta guruh aʼzosi linkni ochmagan, qiziqmagan ham(guvohlik va tushuntirish xatlari bor). Hammalari IIB binosiga olib kelingach u linkdagi qoʻshiq nashida ekanini bilishgan. Yaʼni Jahongirni harakati hech qanday ijtimoiy xavf tugʻdirmagan.
Shunday boʻlsa-da, IIB xodimlari unga nisbatan Jinoyat Kodeksining 244¹-moddasi, 3-qismi, "g"qismi(oxirgi vaqtlarda IIB uchun bu modda navbatchi moddaga aylanib qoldi)bilan ayblov eʼlon qilgan, sud esa bu ayblovni deyarli oʻzgarishsiz tasdiqlab yubordi.
Sudlar qachon adolat bilan hukm qilsa, keyin odamlarni ularga ishonchi qaytadi.
Bugungi sud majlisi mutloq adolatsiz oʻtdi deb hisoblayman.
Qonunda ham sudlar aynan ADOLAT va QONUNga asoslanib hukm chiqarishlari kerakligi koʻrsatilgan. Lekin hozirda juda koʻp sudyalarimiz adolat bilan qaror chiqarishmayapti.
Shuningdek, negadir sudyalarimiz kameradan qoʻrqishadi. Ishlari toʻgʻri boʻlsa, adolatli ish olib borsa, nega kameradan qoʻrqishadi?
Mana shu ishda ham Jahongir va advokati iltimosnoma kiritsa ham, sudya kameraga ruxsat bermadi. Oliy sud shu vaziyatlarga ham eʼtibor qaratsa yaxshi boʻlar edi.
InshaAllah, davom etamiz, keyingi qadam appelyatsiya, umid qilamiz tuman sudlaridan farqli ravishda viloyat sudlari kelgan ishni shunday oʻtkazmay, nisbatan adolatli qaror chiqaradi. Adolatli hukm kutamiz.
Murojaat uchun: +998996961000
Telegram: t.me/OlimjonHa...
Facebook: / olimjon.haydarov
Instagram: / olimjonhaydarov
TikTok: / olimjonhaydarov
Twitter: / olimjon115
#OlimjonHaydarov #siyosat #xalqdardi
Негізгі бет Nashid Linkini Yuborgani Uchun 3 yil Qamoq... Adolat qani?
Пікірлер