Наурызкөже - Ұлыстың ұлы күні жасалатын қасиетті ас. Оған бидай, арпа, жүгері, тары және су, айран секілді жеті түрлі дән мен ақ қосылады. Түркі халықтарының ұғымында жеті саны қасиетті саналғандықтан, наурызкөжеге жеті түрлі дәм қосылады.
Ол - тоқшылық пен ырыс құттың жоралғысы.
Төменде наурызкөженің дайындау үлгісін ұсынып отырмын.
Құрамы:
1 кг ет, қазы
100 грамм бидай100 грамм арпа
100 грамм жүгері100 грамм тары3 литр су1 литр айранҚазанға су құйып, ет, қазы-қартаны салып, қайнатыңыз. Алғаш қайнағанда сорпаның көбігін алуды ұмытпаңыз. 1,5-2 сағаттай қайнатып, етті сүзіп алыңыз. Енді дәндерді жақсылап жуып, бірінші бидайды салып, 5 минут қайнатыңыз. Екінші арпа мен жүгеріні салып, 5 минут қайнаған соң, тарыны салыңыз. Дәндер пісіп болды-ау дегенде оттан түсіріп, салқын жерге қойыңыз. Қазаннан түсірілген еттерді ұсақтап турап, барлығын сорпаға айранмен қосып араластырыңыз.
Ас болсын!
Наурыз мейрамы құтты болсын!
---------
#наурызкөже #наурыз #ұлттықтағам #асболсын #қазы
Сіздерге деген құрметпен, Данақыз❤️
Негізгі бет Наурызкөженің қадір-қасиеті
Пікірлер: 3