Xabaringiz bor Guliston tumani hokimi boshchiligida tuman hududidagi mahallalarda aholi muammolarini o'rganish va ularga yechim topish maqsadida, tasdiqlangan reja grafik asosida joylarda sayyor qabullar o'tkazilmoqda.
Xususan joriy yilning 11-yanvar kuni Guliston tumani hokimi O'lmasjon Mamadaminov boshchiligida Oltin vodiy mahalla binosida navbatdagi sayyor qabuli bo'lib o'tdi. Unda tuman Xalq qabulxonasi mudiri, mutasaddi tashkilot rahbarlari va mahalla fuqarolari ishtirok etishdi.
Yuzma-yuz ochiq muloqot shaklida o'tkazilgan qabul davomida 15 nafardan ziyod fuqarolarning murojaatlari tinglandi. Shundan, 5 tasi o'z joyida yechimini topgan bo'lsa, 3 tasiga huquqiy tushunchalar berildi, qolgan 7 nafar murojatchilarning hal etilishi muddat talab etganligi bois masalalar bo‘yicha aniq muddat va mas’ullar belgilanib, ijrosi shaxsan tuman hokimining nazoratiga olindi.
Shuningdek, sayyor qabul so'ngida kelib tushgan murojaatlar tuman hokimi boshchiligida joylarga chiqqan holda o'rganilib, kerakli tavsiya va takliflar berildi.
Негізгі бет Navbatdagi sayyor qabul Oltin vodiy mahallasida bo'ldi
Пікірлер