NAVOIY SHAHAR “ISTIQLOL” MAHALLASIDAGI AHOLI MUAMMOLARIGA YECHIM TOPILMOQDA
Navoiy shahar hokimi, 1-sektor rahbari Dilmurod Ergashev boshchiligida mazkur mahalladagi ta’lim muassasalari hamda ijtimoiy soha ob’yektlarida olib borilayotgan ta’mirlash, tozalik va sanitariya ishlari nazorat qilinib, ijtimoiy himoyaga muhtoj va nogironligi bo’lgan fuqarolar holidan xabar olindi.
Shuningdek, hududda keng ko’lamli obodonlashtirish ishlari olib borilib, daraxtlar oqlandi, yerlar tartibga keltirilib, begona o’tlardan tozalandi, hududdagi gaz va elektr tarmoqlari ko’zdan kechirilib, kamchiliklar bartaraf etildi, shaharning og’ir hududi hisoblanuvchi “Istiqlol” mahallasidagi aholi murojaatlariga yechim topish va fuqarolarni qiynayotgan muammolarni joyida bartaraf etish maqsadida, shahar hokimining ommaviy sayyor qabuli o’tkazildi.
Sayyor qabul davomida “Uch avlod uchrashuvi” tashkillashtirilib, aholiga ko’tarinki kayfiyat ulashish maqsadida “Bir bo‘lsak - yagona xalqmiz, birlashsak - Vatanmiz” shiori ostida ma’naviy-madaniy tadbirlar hamda konsert dasturi aholi e'tiboriga havola etildi.
Navoiy shahar hokimligi
Axborot xizmati
Негізгі бет NAVOIY SHAHAR “ISTIQLOL” MAHALLASIDAGI AHOLI MUAMMOLARIGA YECHIM TOPILMOQDA
Пікірлер