ናይዛ ጀማሪት ቻነል ቤተሰብ ንኩን ሓደራ ሰሚዕናያ ከይንሓልፍ
ክወግሕ’ዩ
ክወግሕ’ዩ ‘ዚ ለይቲ ክርሁ
ክወግሕ’ዩ ጽባሕ ክርሁ
ኣምላኽ ክረድእ’ዩ ቀልጢፉ
ቀደድ ክብል ብርሃን ንጸላም ጋሊሁ
ክወግሕ’ዩ ክርሁ
ብውሽጢ ብግዳም ንፋሳት ‘ተነፈሱ
ከንቱ ህቀና ህንፃ ቤትና ከፍርሱ
ኣይትናወጽን ቤትናስ ከውሒ’ዩ ሠረታ
ኣማናዊ ከውሒ ክርስቶስ ጐይታ
ንቑም ንጽናዕ ካልእ ሓቂ የለን ሓድሽ ኣይነናዲ
ሞት’ዩ ፍጻሜኡ ‘ቲ ገፊሕ መንገዲ
ንቑም ንጽናዕ ኣሰር ሓዋርያት ሰማእታት ጻድቃን
ዓሪቕና ኣብዛ ምድሪ ክንለብስ ሰማያዊ ብርሃን
ብተስፋ ንተሓጐስ
ብጸበባ ንተዓገስ /2/
ንጥምቶ የለን ናይዛ ምድሪ ሃብቲ
ሃገርና ሰማይ’ዩ ሕይወት’ዩ ናትና ርስቲ
ፍትሒ ሓሪምዋ ዓለም ኮይና ጸላም
ብወረ ውግእ ተደፊኑ ሰላም
ንብዓት ወዲ ኣዳም ክውሕዝ እናወረረ
ብዘሎ ቅልውላው ኵሉ እናተጻዕረ
ንበራበር ‘ታይ ‘ዩ ዓዚሙና ጥፍኣትና ነማዕዱ
ሰሪ ኃጢኣትና ‘ድዩ እናሻዕ ምኽባዱ
ንበራበር ንመለስ ናብ ኣምላኽ ክርሁ ‘ዚ ጸበባ
ለዋህ’ዩ ልቡ ፈቃር ንምሕረት ቀረባ
ብተስፋ ንተሓጐስ
ብጸበባ ንተዓገስ /2/
ንጥምቶ የለን ናይዛ ምድሪ ሃብቲ
ሃገርና ሰማይ’ዩ ሕይወት’ዩ ናትና ርስቲ
እዋን ኣብ ምውግሑ ጸላም ከም ዝኸብድ
ብቐዝሒ ተሰንዩ ግርማኡ ዘርዕድ
ባና ምድኃንና እንድዩ ‘ዚ ክፉእ ቅንያት
ድሙቕ ወጋሕታ ‘ሎ ስግር’ዚ ጸልማት
ንተዓገሥ ዋላ ይንዋሕ ለይቲ ምሒር ‘ውን ይጸልምት
ኣምላኽ ከውግሖ ‘ዩ ብፍጡን ረዲኤት
ንተዓገሥ ንጽናሕ ኣብ ቤትኤል ቀንዴልና ኣብሪህና
ኣብቲ ቅዱስ መርዓ ክንኃብር ፃዕዳ ለቢስና
ብተስፋ ንተሓጐስ
ብጸበባ ንተዓገስ /2/
ንጥምቶ የለን ናይዛ ምድሪ ሃብቲ
ሃገርና ሰማይ’ዩ ሕይወት’ዩ ናትና ርስቲ
Негізгі бет New Eritrean Orthodox tewahdo mezmur kweghyu ክወግሕ'ዮ
Пікірлер: 6