ဒီဘက်ခေတ်လူငယ်အများစုဟာ ခေတ်ပေါ်ဂီတရေစီးကြောင်းထဲမှာ စီးမျောနေကြပေမယ့် မဟာဂီတနဲ့ မြန်မာသံစဉ်တွေကိုမှ အလွန်နှစ်သက်တဲ့ လူငယ်အမျိုးသမီးလေးတဦးရှိပါတယ်။
သူမကတော့ အသက် ၂၉ နှစ်အရွယ် မဇင်ပပကျော်ပဲ ဖြစ်ပါတယ်။ ဂန္ထဝင်အဆိုတော်ကြီးတွေဖြစ်တဲ့ ဒေါ်မာမာအေး၊ ဒေါ်ရီရီသန့်တို့ကို လေးစားအားကျရပြီး တနေ့မှာ သူတို့လိုမျိုးဖြစ်ချင်တဲ့ ရည်မှန်းချက်က မဇင်ပပကျော်မှာ ရှိနေတာပါ။
မဟာဂီတ၊ ခေတ်ဟောင်းနဲ့ ကာလပေါ်မြန်မာသံစဉ်တွေကိုမှ စိတ်ဝင်စားတဲ့ သူမဟာ တဖက်မှာလည်း စန္ဒရားသင်ဆရာမအဖြစ်နဲ့ အသက်မွေးနေပြီး ရန်ကုန်တိုင်းအဆင့် ဆို၊ က၊ ရေး၊ တီးပြိုင်ပွဲမှာ စန္ဒရားအတီးနဲ့ ဒုတိယဆုရတဲ့ ကျောင်းသူတဦးကို မွေးထုတ်သင်ကြားပေးနိုင်ခဲ့ပါတယ်။
လက်ရှိအချိန်မှာတော့ သူမဟာ ဆရာဖြစ်သူ စန္ဒရားဦးကိုဦးနဲ့အတူ ဂီတအနုပညာကို လေ့လာသင်ယူနေရင်း ဂီတဝါသနာပါသူတွေအတွက် ရန်ကုန်မြို့အတွင်း အိမ်တိုင်ရာရောက် စန္ဒရားပညာ လိုက်လံသင်ကြားပေးတဲ့အလုပ်နဲ့ အနုပညာခရီးလမ်းကို လျှောက်လှမ်းနေပါတယ်။
#newswatch
#ZinPaPaKyaw
#myanmarmusic
#myanmarsong
Негізгі бет Ойын-сауық မြန်မာ့ဂီတသံစဉ်တွေနဲ့ လှပနေတဲ့ ဇင်ပပကျော်
Пікірлер: 4