Čansonfest 2023
Tekst, glazba i aranžman: Mauro Staraj
Copyright: Music Kitchen Records d.o.o.
Tekst:
Tako lepo te je čut
još tejen ruku ti taknut
prvi put ću reć na glas
da još sanjen ja od nas
a ni nan moglo bit
Nikad nisan pozabil
kako san se zajubil
znal san zajno prvi čas,
da Bog ima plan za nas
ma ni nan moglo bit
I ni nan moglo bit
najveća tajno moja
samo tvoj, samo tvoja
neka znaju si sada
da ni nan moglo bit
Celi život je pasal
vavek ti si mi pisal
da taj dan će vaje prit
kad će se se posložit
da jedanput ćemo bit
I ni nan moglo bit
najveća tajno moja
samo tvoj, samo tvoja
neka znaju si sada
da ni nan moglo bit
Ča će judi govorit
previše tega j’ za zgubit
će nan deca oprostit
a ne moremo se skrit
ni sad ne more nan bit
I ni nan moglo bit
najveca tajno moja
samo tvoj, samo tvoja
neka znaju si sada
da ni nan moglo bit
Ne more nan bit
vreme leti, život pasa
nikad tvoj, nikad tvoja
stara jubavi moja
zač ni nan moglo bit?
Vavek tvoj, vavek tvoja
Magari z najlepsega sna
Sejno…ni nan moglo bit
Негізгі бет Ni nan moglo bit - Karla Pupis & Mauro Staraj
Пікірлер: 8