Mbrëmjen e sotme, në orën 21:00, në ekranin e televizonit “Fax News” nis emisioni i bamirësisë “Mendo për Mua”, i mundësuar nga fondacioni “Kasem Hysenbelli”.
E ftuar në studio, presidentja e këtij fondacioni, Donika Hysenbelli ka folur mbi frymëzimin e saj për të krijuar fondacionin e bamirësisë “Kasem Hysenbelli” dhe idenë për emisionin “Mendo për Mua”.
Hysenbelli u shpreh se ideja për krijimin e fondacionit u konkretizua pas ndarjes nga jeta të ish presidentit të Fax News, Kasem Hysenebelli me dëshirën për të pasur një impakt pozitiv në jetën e njerëzve që kishin nevojë.
“Ideja u konkretizua pasi im atë u nda nga jeta. Dëshira u bë realitet sepse shihnim njerëzit që na ngushëllonin dhe na tregonin sesa ai kishte pasur një impakt sado të vogël në jetën e këtyre njerëzve. Me humbjen e tim eti, kuptova se njeriu nuk merr gjë pasi ikën dhe e lë këtë botë përveçse veprave të mira që lë tek njerëzit.
Ky është qëllimi im kryesor, për të bërë diçka sadopak pozitive për këta njerëz. Ne kur humbëm babain, ishte jashtëzakonisht e vështirë, mua dhe tim vëllai na ra një barrë shumë e madhe sepse ai ishte shtylla e shtëpisë. Mendova për shumë fëmijë që nuk e kanë pasur ndihmën që e kemi pasur ne. Atë mungesë donim që sadopak të arrinim ta plotësonim ne me këtë fondacion.
Unë kisha që në janar, që i thoja drejtorit të TV, Petrit Becit, që i thoja se dëshiroja ta bëja këtë emision bamirësie me Aida Shtinon dhe ajo më tha se kjo ishte edhe ëndrra e saj”- u shpreh Donika Hysenbelli.
Ndër të tjera, Donika Hysenbelli tha se çdo gj╒ lidhur me fondacionin do të ishte transparante duke shtuar se përgjegjësia ishte e madhe për çuarjen përpara të kësaj nisme bamirësie që mban emrin e ish presidentit të Fax Nes, Kasem Hysenbelli.
“Ne kemi publikuar edhe numrat e llogarisë së fondaconit dhe çdo gjë është transparente për publikun ku do pasqyrohen të gjitha të ardhurat dhe sesi janë përdorur. Kam një përgjegjësi shumë të madhe për këtë fondacion sepse është emri i mirë i të ndjerit, babait tim dhe unë kurrsesi nuk dua ta njollos. Jeta është vetë e vështirë nga natyra, njerëzit duhet të bëjnë më shumë për njëri-tjetrin”- u shpreh ajo.
Më tej, moderatorja e njohur, Aida Shtino e cila do të drejtojë edhe emisionin “Mendo për Mua” tha se ishte diçka që e donte prej kohësh. Ndër të tjera, ajo zbuloi edhe rastin e puntatës së parë të emisionit që pritet të transmetohet sot në orën 21:00.
“Unë kur kam bërë emisionin njerëz të humbur, në fillimet e mia më ka ardhur në letër e një djali që kërkonte ndihmë. Edhe pavarësisht se u dol nga tema e emisionit, kemi qenë të parët në media atëherë që bëmë një rast bamirësie. Brenda një nate kemi arritur të mbledhim një shumë për të bërë operacion në Athinë ku u bë transplant organesh.
Brenda meje rrinte si ide dhe mendoja se nëse do më jepej mundësia në të ardhmen do bëja një emision bamirësie. Ka qenë një telefonatë e drejtorit Petrit Beci, që ma propozoi si ide. Më pas u takova me Inën dhe vendosëm që ta bëjmë. Unë mendoj se së bashku, po fillojmë një rrugë të vështirë duke marrë parasysh kohën ku kalon Shqipëria.
Në puntatën e parë, historia e parë, vjen nga Çepan i Skraparit. Rruga ishte shumë larg dhe ajo që gjetëm atje ishte e paimagjinueshme. Në këtë familje jetonin tre anëtarë dhe babai me dy djemtë ishin të verbër. Ishin të harruar në një fshat aq të bukur piktoresk mes verbërisë totale që i kishte pushtuar”- u shpreh Shtino.#faxweb #faxnews #zgjohu
Follow Fax News Albania
Subscribe To Fax News on KZitem Channel HERE: / @faxnewsalbania9903
For more content from click HERE: www.faxweb.al/
Like Fax News on Facebook HERE: / faxweb.al
Follow Fax News on Instagram Here: / faxnews.tv
Për më shumë na ndiqni në: www.faxweb.al
Негізгі бет Nis sot emisioni i bamirësisë “Mendo për Mua” në Fax News, Donika Hysenbelli: Përgjegjësi e madhe
No video
Пікірлер: 5