Feonkira : Daniel Guichard ("Je viens pas te parler d'amour")
Tononkira: Rabarivola Romule
Sary : FB Top Radio (18/11/2022)--
Fandaharana "Kalo Miampita"
miaraka amin'i Mbola
Rabarivola,zanak'i Romule faharoa
(Natolotr'i
Rado Manalina sy Mbola Talenta)
============
Tsy handrebireby anao
Raha nivily ka namangy
Amin’ny andro harivariva
Manontany vaovao
Sanatria tsy hisangisangy
Na tonga koa hanivaiva
Tsy hamboraka fitia
Na hitantara koa ny amiko
Fa mitandro fihavanana
Isika moa nisara-dia
Nefa maminao sy mamiko
’Reo zaza iaraha-mànana
Efa ho herintaona mantsy
No nisarahan-tsika toerana
Noho ny antony efa fantatra
Isika akory tsy olon-dratsy
Na tsy nisy fiheverana
Fa ny lahatra ankamantatra
Fa nandalo dia nahita
Ny efitranonao nivoha
Mbola misy hazavana
Ela tsy nifankahita
Sanatria tsy hilanja loha
Fa mitondra fiarahabana
Ny momba ireo zanantsika
’Zay mipetraka aminao
Moa ve, moa ve salama tsara ?
Satria moa ny amintsika
Dia efa fantatro sy ianao
Fa nivalona ho tantara
Henoko fa toa hoe
Manahirana indraindray
Amin’ny hantahantakeliny
Nefa atao ahoana re !
Fa mahaiza manafay
Hahazoany ny tanteliny
Fantatro fa tianao loatra
Izy telo mianadahy
Ka tsy sahinao tenenina
Amin’ny ditra tafahoatra
Nefa mba lazao ahy
Sao mba misy ny ala-nenina
’Lay sekoly vaovao
’Zay vao namindranao azy
Moa ve mba arany ihany ?
Satria mantsy fantatrao
Io tsy atao vazivazy
Fa antoky ny hiafarany
Raha ny fiainanao indray
Aza tantarainao ahy
F’efa hita izao fa tsara
Ny ahy koa dia tahak’izay
Tsy dia misy mampanahy
Fa dia mizotra soa aman-tsara
’Lay mpampianatra ny ankizy
Efa notiavinao
Dia efa fantatro ny aminy
Tia anao tanteraka izy
Ka aza ataonao kilalao
Ny fanasoavanao ny akaniny
Tsy ho lava resaka aho
Fa izay no anton-dia
Ny andro koa,
ny andro ity mandroso ho alina
Raha misy aizina mitraho
Mahaiza re mifankatia
Ary aoka hisaina lalina
Tsy nandrebireby anao
Raha nivily ka namangy
Fa nadio ny fo sy saina
Nanontany vaovao
Ary tsy tafandry mandry
"NOHO IREO SOMBINAINA"
Негізгі бет NOHO IREO SOMBINAINA ROMULE 1968 MBOLA RABARIVOLA vidéo live
No video
Пікірлер