Kitab klubumuzla ilin ilk hədiyyəli mütaliə marafonunu elan edirik.
Novruz tətilini mütaliə edərək maraqlı və əyləncəli keçirə biləcəyiniz "Novruz mütaliə marafonu" individual və qrup mütaliəsi olaraq iki hissədən ibarətdir. Gəlin suallar və qaydalarla tanış olaq.
🔸İndividual mütaliə kateqoriyaları:
1) Novruz süfrəsinə 7 növ yemək qoyulur və 7 rəqəmi Novruz bayramı üçün dəyərli hesab edilir. Odur ki, adında 7 rəqəmi olan və ya adı 7 rəqəmli sözdən ibarət olan bir kitab oxuyun (Alternativ: Doğum ilinizdən 7 il sonra və ya əvvəl nəşr edilən roman oxuyun).
2) Qulaq falına birlikdə çıxaq. Mistika və sirr ilə dolu, hər səhifəni maraqla çevirəcəyiniz bir kitab seçin (Alternativ: Sujetində üstüörtülü gizli planlar quran obrazların olduğu bir kitab oxuyun).
3) Tətilə çıxmağın əsl vaxtıdır: Tətilə çıxarkən özünüzlə götürəcəyiniz bir qısa və sevimli janrınıza aid kitab oxuyun (Alternativ: Obrazların böyümə hekayəsinə şahid olacağınız bir kitab oxuyun).
4) Qapıya atılan papaqları boş qoymayaq. Kitab rəfinizdən bir kitab çıxararaq ya dostunuza ya da qrup üzvlərimizdən birinə hədiyyə edin (məcburi kateqoriya deyil və xalların hesablanmasında sayılmayacaq).
🔸Qrup mütaliəsi:
Qruplarımızın adı 4 çərşənbəyə uyğun hazırlanıb. Hər qrupa üzərində Hava, Od, Su, Torpaq şəkli və ya sözü olan 2 kitab seçimi verilir, bu qruplardan yalnız BİRİNƏ qoşularaq həmin qrupun kitablarından yalnız BİRİNİ qrup şəklində sizinlə birlikdə seçəcək olan digər qrup yoldaşlarınızla oxuya bilərsiniz.
🔺Marafona necə qatılmalı?
Qatılmaq istəyən klub üzvü öz seçdiyi kitabları (individual və qrup) aşağıdakı anket vasitəsilə bildirə və marafona qoşula bilər. Hər qrupa maksimum 10 nəfər qoşula bilər, yerlər dolanda müraciət dayandırılacaq: docs.google.co...
🔺Nə vaxta kimi müraciət etməli?
Marafona müraciət bu gündən 14 marta kimi davam edəcək. Marafonun özü 14mart - 27 mart gecə yarısına kimi davam edəcək.
🔺Qaliblər necə müəyyənləşir və nə əldə edir?
Hər kitabı oxuyub bitirən kimi, seçdiyiniz qrupun admininə səhifə sayı dəqiq bildirilməlidi. Yekun olaraq, bütün qrupa daxil olan oxucuların individual və qrup şəklində oxuduqları kitabların səhifə sayı toplanacaq və qrupda olan oxucu sayına bölünüb, nisbi rəqəm çıxarılacaq. Ən çox səhifə kitab oxuyan və ən çox nisbi xala malik olan qrupun hər bir üzvü hədiyyə kitab əldə edəcək. Amma məqsəd əylənmək və yaxşı kitablar oxumaqdır🙂
Seçdiyiniz kitabları #novruzmütaliəmarafonu2022 həştəqi ilə sosial platformalarda da paylaşa bilərsiniz.
Dartanyanlar kitab klubu instagramda: / dartanyanlar_
Dartanyanlar kitab klubu teleqramda: t.me/+FrNLMFyp...
Негізгі бет NOVRUZ MÜTALİƏ MARAFONU 2022 başlayır! Dartanyanlar kitab klubu təqdim edir
Пікірлер: 11