١٠- الخوف
حياة النرجسي / النرجسية بيسيطر عليها ويحركها وينشطها الخوف ، والخوف دة مدفون ومكبوت في العمق ومع ذلك القريبين منه بيشوفوه بوضوح شديد لكن بيكونوا مش عارفين هو بيخاف من ايه وليه ، هو بيخاف من ان حد يسخر منه او يرفضه او انه يطلع غلط او ممكن يخاف جدا من الجراِيم والميكروبات ودة ناتج عن الخوف من الموت ، بيخاف يفقد كل فلوسه فمنهم اللي مستحيل يجازف ، بيخاف من انه يتهاجم سواء عاطفيا او جسديا ، بيخاف يتشاف سيء او ميتشافش اصلا ، بيخاف يتشاف انه غير كفؤ او غير كاف او غير مناسب وطبعا بيخاف من الترك ، وكل الخوف دة بيخليه علطول مش عارف يثق في اي حد ولا اقرب حد له و كمان بيخليه يخاف من العلاقات الوثيقة القريبة لانه طبعا بيخاف ينكشف السوء اللي جواه فتلاقيه بيرفض القرب تماما ، والخوف دة اللي عند النرجسي لايتبدد ابدا
١١- القلق
ايه هو القلق ؟ القلق هو احساس مزعج بان حاجة وحشة بتحصل او على وشك انها تحصل (قلق طبيعي و- قلق مرضي) ، النرجسي عنده قلق مرضي ودايما عنده احساس ان الموت قادم في اي لحظة ، واغلبهم بيخبي القلق دة وبيسقطه على ضحيته عن طريق انه يشعره انه سبب كل المشاكل اللي بتحصل وانه مقصر معاه ومهمله ومش مديله اهميته ولا حقوقه ، وبكدة بينقل قلقه لشريكه ويتحول القلق لاحباط ،ودة غير قلق الضحية من قيام زوابع الغضب النرجسي لما بتبدأ تبان بوادرها وتبق\ي الضحية مش عارفة الضربة حتيجي منين عشان تعرف تتفاداها وبتكون عايشة في قلق وتوتر برضه وطبعا بكدة النرجسي يحس بالقوة والتفوق لانه موهوم انه تخلص من القلق وقدر يصبه بداخل ضحيته
١٢- الخجل
الخجل هو شعور دفين ومكبوت ودائم بان فيه حاجة غلط او او حاجة سيئة… في حالة الشخص النرجسي كل مشاعر عدم الامان و الخوف والمعاملة السيئة والرفض اللي هو دائما وابدا في حالة استنفار وحرب دايمة عشان يخبيها ويخفيها عن الجميع بما فيهم نفسه كل المشاعر دي هي سبب الشعور بالخجل عنده ، ولكنه مش بيظهره برضه نهائيا ولكن اذا استمر مع ضحيته فترة معتبرة بيبان وهي بتعرف الصفة دي
١٣- عدم القدرة علي انه يكون صديق حميم او حتى يكون محب حقيقي
هو اصلا مش فاهم مشاعر ولا تعاطف وعلطول محتاج يحمي نفسه ، فمفيش عنده مجال انه يشوف اي حد حواليه ولا يقدر يحب حد ويقرب منه زي ماقلنا لانه بيخاف ينكشف وفي نفس الوقت هو محتاج حد يتعاطف معاه ويديه الوقود النرجسي اللي هو محتاجة ، ولو ملقاش الوقود دة في العلاقة اللي هو فيها حيدخل في علاقة تانية بسرعة لانه محتاج زي ما قلنا لحد يتعاطف معاه ويطبطب عليه ويمدحه ويراعيه باستمرار ولكن بدون مقابل ولا قرب
١٤- نادر لو قدر يكون واحد من فريق لان الفريق تعامل متبادل خد وهات ودي مش موجودة عنده هو عنده هات بس مفيش خد فطبعا بيفشل في التواجد في اي فريق سواء عمل او غير عمل
تابعونا على الفيس
اكونت الفيس بوك
facebook.com/profile.php?...
جروب ادرس عدوك النرجسي
/ kawthersanad11
قناة التلجرام
t.me/learnaboutnarcisest
الكتب :
- healing from narcissist
Негізгі бет Фильм және анимация نقاط ضعف النرجسي .. صفات النرجسي (٤) - كوثر سند
Пікірлер: 201