مشروع تربية النعام
نقر الريش اللي بتوصل لحد فقدان النعام لمساحات كبيرة جدا من الريش - اسبابها وطرق تجنبها وعلاجها مشكلة عند مربين كتير جدا ومش لاقين ليها تفسير وسمعوا كلام كتير قوي يقولك اعزل النعامة شوية ورجعها يقولك نقص املاح معدنية يقول عيب في العلف ومش عارفين في الصح وفين الغلط نفسر الموضوع من ناحية علمية ونفهم ليه النعام ممكن يعمل كده ايه الاسباب وايه العلاج تعريفه ببساطة هو نوعين الاول هو النقر البسيط وده سلوك استقصائي عادي بينقر النعام في ريش نعامة اخري بقوة ضعيفة تصعب من خلالها نزع الريشة وده مش بيمثل مشكلة النوع التاني هو نقر الريش الشديد بتنقر النعامة ريش نعامة اخري بقوة شديدة تقدر من خلالها سحب الريش ونزعه تماما وده بيسبب الم للنعام المتلقي للنزع يعتبر نقر الريش سلوك معاد توجيهه النعام ربنا خالقه يبحث عن الاكل من خلال النقر والتفتيش في الارض لفترات طويلة بناخده احنا نحطه في ملعب ونحطله وجبة علف بكمية محددة بياكلها في دقايق معدودة هو اشبع جوعه في دقايق لكنه ما اشبعش غريزته في البحث عن الطعام ساعات كتير اثناء النهار ده بيتسبب في انه بيعيد توجيه نشاطه من البحث عن الاكل الى الحاجة الوحيدة اللي قدامه غير الرمل اللي في الارض وهي ريش النعام اللي جنبه نقر الريش هو سلوك ليس الا نقر الريش مش نقص املاح ولا نقص فيتامينات علاجه مش العزل الناس اللي بتاخد النعامة اللي بتنقر الريش وتحطها لوحدها انت كده بتقضي عليها لانها مش هتاكل ومش هتنام وهيكون كل تركيزها رايح في حتة واحدة بس هي انها عاوزه ترجع مع باقي القطيع عزل النعامة بيسبب ضعف عام وفقدان وزن ويؤدي احيانا للنفوق. نقر الريش ما يعتبرش عدوان او شراسه - مفيش حاجة بتقول ان نقر الريش البسيط بيتحول الي نقر شديد يعني لو شفت نعامة بتنقر ريش نعامة تانية نقر بسيط بدوع نزع ريشها ده مش بالضرورة يتحول الي نقر شديد - نقر الريش الشديد غالبا بيتحول الى عدوى تصيب القطيع الموجود في نفس الملعب - وهي عدوى نفسية لان النعامة اللي تم نقر ريشها باستمرار بتتبع نفس السلوك وتنقر ريش النعام اللي جنبها وهكذا تبص تلاقي الملعب بالكامل ريشه بالمنظر اللي احنا شايفينه ده كده. المشكلة الوحيدة اللي في العلف اللي بتساعد على كده هو عدم كفاية المواد الخشنة في العلف - كمان بعض الدراسات اثبتت ان فيه عامل وراثي في موضوع نقر الريش- وهاثبتلكم كلامي بالعقل كده - عندك 5 نعامات بياكلو وبيشربوا نفس الاكل ونفس الشرب - فجاة تلاقي واحدة بس مصرة على نقر ريش ال 4 التانيين فجاة تلاقيهم كلهم بيعملوا نفس السلوك - البداية كانت من نعامة معينة يا اما ليها جين وراثي في الموضوع ده يا اما مش قادرة تكتفي بنقر الرمل واكل الوجبة في 5 دقايق وعاوز تكمل - بعد كده بينتقل السلوك ده الي الباقي كسلوك مكتسب اتعلموه من النعامه دي طيب احنا قدام مشكلة متعددة العوامل - عامل خلقي وهو غريزة النقر - عامل وراثي - عامل سلوكي - عامل غذائي هو عدم كفاية المادة الخشنة في العليقة - وممنوع نعزل النعامة اللي بتعمل كده ولو سيبتها هتخلي النعام كله يعمل كده -- طيب اعمل ايه ؟ ازود نسبة المادة الخشنة في العلف - احط حاجات خشنة نسبيا ممكن ينقر فيها ممكن تحط حاجات خضراء في الارض او شوية دريس فا يتشغل عن نقر الريش لحد ما يتبدل هذا السلوك - اما من البداية لازم تعرف نسبة المادة الخشنة في العلف اد ايه من التاجر نفسه لانها مهمة جدا -- ولو حضرتك اللي بتعمل العلف لازم تتاكد ان نسبة المادة الخشنة مناسبة للعلف
Негізгі бет نقر الريش مشروع تربية النعام
Пікірлер: 43