نسينا الأحلام
و رسينا على الألام
أول ما الحلم بدأ يتخمر
القلب فجأة اتدمر
بعد الرز المعمر
و السمك المحمر
فيه اللى بيتأمر
و اللى بيتنمر
و اللى بيتذمر
فبقينا أغراب
و دقنا مر الشراب
موقعنا فى جملة الحياة
لا محل لنا من الإعراب
و الفرح ممنوع من الاقتراب
و الدهب طلع تراب
و مع ذلك بنضحك بملء الفم
و نهزر و نفرفش بخفة دم
مع ان قلوبنا مليانة هم و غم
و حزن مش عايز ينتهى و لا يتلم
لسان حالنا كبر دماغك يا عم
الفعل المضارع مجزوم بأداة الجزم ( لم )
مرة يبقى مجزوم بالسكون
فتلاقيه هادى فى حال سكون
ما لوش صوت فى الكون
وحيد شريد بعيد عن العيون
و مرة يبقى مجزوم بحذف حرف العلة
لأنه معتل الأخر
أصل الحياة صارت صعبة و مملة
و الفعل المضارع معبى ع الأخر
و بقى بعيد عن الشلة
لأن الحمولة زايدة فاتعطلت الترلة
و مرة يبقى مجزوم بحذف حرف النون
لأنه من الأفعال الخمسة
الفعل المضارع نفسه يفرح بجنون
و الفرح ما جاش لسه !!!!
و عجبى
زغلول البطوطى
Негізгі бет نسينا الأحلام و رسينا على الآلام كلمات زغلول البطوطى تاجر السعادة
Пікірлер