كلمات الشاعر ::
خالد سعود الدلبحي
اداء المنشد ::
نواف المخلفي
تصميم ::
لطام الدوسري
…
طلب التصميم اتواصل وتساب مباشر👇🏻:
iwtsp.com/9665...
سنابي حياكم الله .
/ g-rii2
. . . . .
الكلمات::
انتهض هاجوس شعري وشوّش واستقاد
البيوت الشرّد اللي تجي في حلّها
وكن في راسي عزاويك ياطارق زياد .
يوم باج ديار الاسبان عقب احتلها
لاتقدم فالمواقيف حمّال العتاد
لاقفت الابل مايسمعك هرجة خلها
ونطحوني نجد والقيض في عيني براد
واقنعوني دلة الصبح كيف املّها ؟
اخذ الفنجال الاول من امات القناد
والدروب الواهب الله علينا دلّها .
عاصبً راسي للايام و وجيه العباد
ماتدرقت الاودام وعشت بضلها
ولو لحقنا من عنا الوقت والدنيا جهاد
نبتسم لو المصايب تبيّن جلّها .
يافهد في يوم حفلك مجيي لك وكاد
القريحة تصتلي و السيوف نسلّها
فعل ابن فواز نورن جلا وجه السواد
والقصيدة يال عمّار جات فحلها .
------ لحن ثاني ----
الدواسر ياذرا اللي يدور له ظلال
عون للي ضيق وقته تعلوى منكبيه
ياذخر تغلب وزايد كريمين السبال
عزوة ربي خلقها ، تجيب اللي تبيه
فعلهم فالطيب كايد ويضرب به مثال
والعصاء للجار توسم ويخشاها النبيه
يابني مدري جحيدة شغاميم العيال
الزبين اليا زبنكم ولا حي(ن) يجـيه
ويال عمّار الدهايا محققة المحال
ياسنام الطيب والعز والسلم النزيه
وجعل لسيح المسيله وهمال الخيال
ديرة اللي حققو مجد كلن لد فيه
يافهد طيبك جبّله واشوفه راس مال
فزعة اللي ضامه الوقت ، وانكبلت يديه
اصوك والمدح والنعم في مثلك يقال
ماكسبت المدح من حظ ولا من جنيه
كاسبه من فعل يمناك والرأي العدال
لانصوك رجال في علم منت تقول ليه
ياحفيد اللي بنا صرح وانجب له رجال
الدهايا سادة المجد بيضان الوجيييه
انت ابوك اللي ليا جاء لمياقفه مجال
يحتزم دون القبيلة راع الراي الوجيّه
ياسعد والطيب يذكر ويبقى كالجبال
وانت فعلك يبن فواز مايعلى عليه
قلتها وانا من اللي مواقفهم جزال
والخوي حقاً علينا نقوم ونحتميه
لاد دلبح هامة المجد مافيها جدال
من خلقنا الله مافينا جبان ولا سفيه
الحروب نشوفها ضحك ولا كرنفال
ومن يعادينا ، بكو له ذويه ووالديه
. . . . .
من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد
تصميم : لطام الدوسري
______________________
للتواصل والاستفسارات :
الحسابات الرسمية لـ قناة لطام الدوسري .
SNAPCHAT : g-rii2
Whatsapp : 0533088591
-
Негізгі бет نواف المخلفي & خالد سعود الدلبحي - عاصبٍ راسي للايام ووجيه العباد 2024 حصرياً
Пікірлер