قولتلك عشان تشتري باب خشب جاهز أو تصنعه وتعمله عمولة
لازم تعرف الأول انواع الأخشاب والفرف بينهم
ويعني ايه خشب طبيعي ويعني ايه صناعي
والفيديو اللى فات اتكلمنا عن الخشب الزان و الأرو .. فإرجع شوفه لو لسه متفرجتش عليه
انهاردة هنتكلم عن الخشب الموسكي والماهوجني وكمان العزيزي
الخشب الموسكي أقل جودة من الزان والأرو و أقلهم كثافة وطبعا وزنه أخف وسعر أقل
بعمل بيه الحلوق بتاعت الأبواب وبيخش معايا فى صناعات كتيرة جدا
لونه أصفر وأكتر حاجه بتميزه بتلاقي فيه
الثمرة بتاعتها فيها تفجيرة على شكل حلقات لونها غامق شوية عن لون الخشب الطبيعي
والحلقات ده بالذات الغامقة منها بتكون اضعف نقطة فى الخشب وبتفصل بعد فترة
وبتسيب خرم فى قلب الخشب وبتتعالج طبعا بطرق مختلفة
وكل م عدد الحلقات اللى موجودة فى اللوح قلت ولونها بقى أفتح كل م جودة الخشب الموسكي بقت أفضل وهتسهل معايا عملية الفنش بالنسبة للصنايعي أو الأستورجي
الخشب الماهجوني أو الموجنة زي م بيسموه
بعمل منه الأبواب بردة والتجاليد الخشبية الديكورية اللى بتكون موجودة على الحوائط
لونه نبيتي غامق بنقول عليه خشب أحمر وفيه منه مائل للبني
الثمرة بتاعته مخططة أو منغمشة وفيه منه على هيئة دوامات
بيستخدم فى الموبيليا بردة وصناعه الأبواب .. وعيبه انه معامل التمدد الحراري بتاعه كبير نسبيا
بيتأثر عوامل الجو المختلفة
لكنه خشب قوي وغالي بردة
بعد كدة الخشب العزيزي وبيطلق عليه بيتش باين
وده قصته كبيرة لانه الخشب الوحيد المقاوم للمياه .. فهنتكلم عنه المره الجاي ان شاء الله
انا محمود مختار وده كان فيديو انهاردة ... سلااام
#الأبواب_الخشبية #خشب #زان #عزيزي #ماهوجني #أرو #موسكي #Mahmoud_Mokhtar #محمود_مختار #الأخشاب_المصنعة #الأخشاب_الطبيعية #MDF #HDF #HPL #PVC
Негізгі бет أنواع الأخشاب الطبيعية
Пікірлер