Қазақстандық ноу-хау келешегі ауылда. Оңтүстік Қазақстан облысында оқушылар нано-технологиялар жайлы қосымша оқып-білуде. Үйірмеге қатысып, ізденіс жолына түскен Ордабасы ауданы шәкірттерінің қазірден жаңалығы көп. Бірі желден қуат алудың тың әдісін тапса, екіншісі робот құрастыруда.
Нұрбек Байбосын, тілші:
-Қуаттылығы 12 вольт бұл квадроциклды мектеп оқушылары ойлап тапқан. «Бұл көлік ауыл балаларына жол ережесін үйренуге септігін тигізеді», - дейді өнертапқыштар.
Квадроциклды құрастырған Тоқсансай ауылдық орта мектебінің 9-сынып оқушысы Саят Ибрагим. Оған үйірмеге бірге қатысатын сыныптастары да көмектескен. Саят болашақта құлтемір құрастырғысы келеді. Жуырда ол желден қуат алудың тың әдісін ойлап тауыпты.
Саят Ибрагим, 9-сынып оқушысы:
-Бұл біздің ауылға өте керек нәрсе. Жел тұрғанда жарық өшеді. Сол кезде мұны қолдана береміз. Бұл 30 вольт шығарады. Аккумулятор арқылы қуат көзін жинап, келесі жолы да қолдануға болады.
Бұл - мектеп оқушысы Алмас Асқарұлы құрастырған құлтемір. Кәдімгі жылан тәріздес. Оны құрастыру тәсілін ғаламтордан қарап, үйреніпті.
Алмас Асқарұлы, 8-сынып оқушысы:
-Электронды гитара, басқа да роботтар жасадым. Болашақта осы робот техниканы ары қарай дамытамын деген ойдамын. Программист болармын бәлкім.
Жаңа технологияны меңгеруге бет бұрған балғындардың арманы ұшан-теңіз. Олар келешекте қазақстандық нанотехнлогия саласына мамандануды қалайды.
Авторлары: Нұрбек Байбосын, Нұрмахан Мұсатов, Нұрмахан Бекмұратов
Негізгі бет Оңтүстіктегі жас өнертапқыштардың жаңалығы көп
Пікірлер: 4