Биир болдьоххо баһылык туруорбут соругун төһө ситэрий? Түөрт аҥар сыл иһигэр үлэ түмүгэ төһө көстөрүй? Хомойуох иһин, үгүс баһылык талылларыгар туруорбут соругун ситэригэр биир болдьох тиийбэт курдук. Онтон Хаҥалас улууһун Улахан-Аан баһылыгынан үлэлээн кэлбит Олег Иринеев биир болдьох иһигэр үлэтэ киһини сөхтөрөр. Киһи тарбаҕар ааҕан батарбат дьоһуннаах элбэх үлэтэ нэһилиэккэ киирии хара ааныттан көстөр. Ыалдьыты көрсөр стеллаттан саҕалаан эдэр үлэһиттэргэ түөрт квартиралаах уопсай дьиэтэ, олохтоохтор бэйэлэрин күүстэринэн туппут баһаарынайдар дьиэлэрэ, кутуу суол, аныгы ирдэбилгэ толору эппиэттиир хотоннор үлэҕэ киирбиттэр. Биир кэлим улахан үлэтин түмүгэ саҥа оройуона буолар. Хата бу омук дойдутун санатар, тута аспааллаах, сырдатар банаардаах, гаастаах саҥа микрорайон. Федеральнай үбү сөпкө туруорсан, балай эмэ улахан суммалаах үлэ бара турар. 50 ыал толору хааччыллыылаах куораттан уратыта суох оройуоҥҥа олохсуйар дьоллоохтор. Аны онно уһун сылларга туруорсубут оҕо уһуйааннара тутуллан, күн аайы дьэндэйэн эрэрин көрөн, олохтоохтор күлүктэригэр имнэнэллэр. Ити курдук күүстээх, тэтимнээх уонна киэҥ далааһыннаах үлэ биир дьоҕус нэһилиэккэ барбыта олохтоохтору биллэ сэргэхсиппит. Итини барытын баһылаан-көҕүлээн, түмэн үлэлэппит Олег Иринеев ыырын кэҥэтэр, улууһун сайдыытыгар кыллаатын киллэрэр дьоһуннаах хардыыта кэскиллээх. Сатабыллаах салайааччы, саха ыччата, үлэһит үтүөтэ Олег Иринеев туһунан @kynat_tv сырдатар.
- 3 жыл бұрын
ОЛЕГ ИРИНЕЕВ: СОМОҔОЛОҺУУ ҮТҮӨ ТҮМҮККЭ СИРДИИР
- Рет қаралды 1,489
Пікірлер: 5