Om Ena Oliththathu || Saravanana Sannadhi || Singer : P Suseela || Tamil Lyrical Video || Vijay Musicals || Thirumurugan Thiruppalli Ezhuchi || Music: Surumbiyan || Video Kathiravan Krishnan
Lyrics:
ஓம் என ஒலித்தது வைகறைச் சேவல்
உடன் குரல் தந்தன புல்லினம் யாவும்
மாமயில் நடந்தது மலைநிலம் எங்கும்
மலரெனத் தவழ்ந்தது தரைமிசைத் தென்றல்
தீமலைச் சாரலின் சிவந்தது வானம்
தேன்சுரம் வார்த்தது இன்னிசை வண்ணம்
பூமுக வேலவனே முருகா என்
பொன்மணியே பள்ளி எழுந்தருளாயே
வெள்ளியும் முளைத்தது விரைந்தது காலம்
வீதிகள் எங்கணும் பலவகைக் கோலம்
துள்ளின கன்றுகள் தாயிடம் அன்பால்
தொகைமிகு ஆவினம் சுரந்தனத் தாய்ப்பால்
உள்ளமும் மகிழ்ந்திட மலர்ந்தது சோலை
ஓவிய வடிவல்லவோ இளங்காலை
வள்ளியின் காதலனே முருகா என்
வடிவழகா பள்ளி எழுந்தருளாயே
வெண்பனி விலகின இன்னிரவோடு
வெளிச்சமும் பரவின உன்னருளோடு
தண்பொழில் தாமரை நிமிர்ந்தது பாராய்
தாவிடும் குயில்களும் கூவின சீராய்
விண்ணக மீன்களும் தம்மொளிமங்கும்
விரிகடல் கதிர்வரும் களிப்பினில் பொங்கும்
கண்ணுதலோன் மகனே முருகா என்
தலைமுதலே பள்ளி எழுந்தருளாயே
நீர்தர தொடங்கிடும் ஏரியின் மதகு
நிலத்திடை உலவின குறத்தியர் கால்கள்
ஆரமிழ்த்தூட்டிடும் அன்னையர் குரல்கள்
அருந்திடும் மழலைதம் அரைகுறை மொழிகள்
காரிருள் எனும்திரை கலைந்தது மண்ணில்
கதிரொளி படிந்தது மலைமுடி தன்னில்
பேரருள் மழைமுகிலே முருகா என்
பெருமானே பள்ளி எழுந்தருளாயே
ஆற்றினில் பொய்கையில் ஆடினார் மாந்தர்
அனைத்துயிர் கூட்டமும் மலர்ந்தன கண்கள்
ஏற்றங்கள் இயங்கின மேலொடு கீழும்
ஏர் நடையிட்டது வயல்வெளி தோறும்
நீற்றினை அணிந்துணை புகழ்தனர் நல்லோர்
நினைந்துணை பணிந்துளம் நெகிழ்தனர் பல்லோர்
ஆற்றறியா இறைவா முருகா என்
மாமணியே பள்ளி எழுந்தருளாயே
கரைந்தன பறந்தன காகங்கள் விண்ணில்
காலத்தில் ஒலித்தன ஆலயமணிகள்
உரைத்தனர் அடியவர் உன்திருப்பெயர்கள்
ஒன்றிட இசைத்தன குழலுடன் யாழும்
முறையுடன் தொடங்கிடும் முதல்வழிபாடு
முகமலர் மலர்ந்ததின் தாய்திருநாடு
நிறைவளம் தரும் நிலவே முருகா என்
நித்திலமே பள்ளி எழுந்தருளாயே
பூவிரிசோலையின் மலர்மணம் நீயே
புரண்டிடும் உலகெனும் பெரும்நிலம் நீயே
தீவிரித்தேத்திகள் செங்கதிர் நீயே
திசையற பரவிய விண்வெளி நீயே
மேவிநின்றசைந்திடும் காற்றனல் நீயே
மேகத்தின் பரிசெனும் வான்மழை நீயே
ஆவை தெய்வானைதன் துணை முருகா என்
பாவலனே பள்ளி எழுந்தருளாயே
உவமைகள் கடந்திடும் ஓர் இறை நீயே
ஒருதுணை இருமையும் தருவதும் நீயே
தவழ்ந்திடும் நற்காலமும் நீயே
தரைவழிதரும் திசை நான்கெனல் நீயே
சுவைத்தரும் ஐந்துமெய் உணர்வுகள் நீயே
சுடர்மிகு ஆறறிவாம் திறம் நீயே
சிவையெனும் உமை மகனே முருகா என்
செம்பொருளே பள்ளி எழுந்தருளாயே
மெய்யென விளங்கிடும் திருவருள் துணையே
வேலவர் நெஞ்சினில் மேவிடும் கனியே
பொய்யெனத் துயர் இருள் போக்கிடும் ஒளியே
புகழ்மொழி ஓம் என பாடிய கிளியே
செய்யநின் தாமரை சேவடிபணிந்தோம்
சேத்திருக்கைகளும் குவித்துனை தொழுதோம்
ஐயப்பனின் அண்ணனே முருகா என்
ஆரமுதே பள்ளி எழுந்தருளாயே
வரைநிலம் குறிஞ்சியின் ஆலயக்குமரா
வயல்நிறை மருதமும் வாங்கிடும் அழகா
இறைமிகு நெய்தலும் உடையச் செந்தூரா
பிரண்டிடும் முல்லையின் தேட்டுவர் தலைவா
வரண்டிடும் பாலைக்கும் வளம் தரும் துணைவா
வாழ்வுறப் பிறவியை வழங்கிய இறைவா
கரிமுகனின் தம்பியே முருகா என்
கண்மணியே பள்ளி எழுந்தருளாயே
புன்முகம் தந்திடும் புலகிடை வளங்கள்
உன்விழி மலர்ந்திட மலர்ந்திடும் உயிர்கள்
உன்னருள் தரும் பதி எங்களின் எல்லை
உன்வழி நடந்திட ஏதங்கள் இல்லை
உன்பெயர் ஓதிடும் அடியவர்கூட்டம்
உன் பதமலர் நிழல் அமைதியின் கோட்டம்
தன்னருட் பெருங்கடலே முருகா என்
தவமணியே பள்ளி எழுந்தருளாயே
எவ்வுயிர்க்கும் நலம் உனதருள் விருந்து
இடும் திருநீறது பிணிகளின் மருந்து
கைவடிவேல் பகை யாவையும் அழிக்கும்
கனிந்த நின் தாய்மனம் நெடுவளம் கொடுக்கும்
இவ்விடம் இக்கணம் பெரும்துணை நீயே
எம்முயிர் உடல்பொருள் காத்தருள்வாயே
செவ்விதழ் நகைத்திருவே முருகா என்
சிவமணியே பள்ளி எழுந்தருளாயே
Негізгі бет Om Ena Olithathu || Thirupalli Ezhuchi || P Susheela || Tamil Kadavul Murugan Songs || Vijay Musical
No video
Пікірлер: 59