Bilasizmi shunday maskan bor.
Mexr degan buloq bor, ko‘ring.
Yo‘lingizga doim intizor,
Onangizni bir ko‘rib keling...
Joynamozi yig‘ilmas sira.
Ko‘z yoshlardan nigohlar xira.
Yig‘lamasa shu bugun zora.
Onangizni bir ko‘rib keling.
Sizni doim kutgan ugina.
Yuz yil bormang, bir qilmas gina.
Kutaverar sizni jimgina...
Onangizni bir ko‘rib keling.
Xavotirlar sochlarida oq,
Choy icholmas, qo‘llari titroq.
Lek churq etib nolimas biroq,
Onangizni bir ko‘rib keling.
Bechoraning yuragi so‘kir.
Sizni deya yashaydi axir.
Sog‘inmasdan jonini qabr.
Onangizni bir ko‘rib keling...
Bir oz bo‘ling dardiga malham.
Yashnab ketsin keldi deb bolam.
Baxtlilikka xaqli-ku u ham.
Onangizni bir ko‘rib keling.
Borin to‘kar dasturxoniga.
Joningizni joylar joniga.
Joy soldiring uning yoniga.
Onangizni bir ko‘rib keling.
Yigishtiring ishlaringizni.
To‘plab aqlu xushlaringizni.
Olib o‘g‘il qizlaringizni.
Onangizni bir ko‘rib keling.
Kelsa hamki so‘zlarim malol.
Shu kalomim ketmasin uvol.
Xudo asrasinu...
So‘ng bor ehtimol.
Onangizni bir ko‘rib keling!
✍️ Malika Salimova
🎙Shahina Bahodirova
Негізгі бет Onangizni bir ko‘rib keling
Пікірлер: 11