අද හරීම ලස්සන දවසක් , උදෑසනම අවධි වුනාම දකින්නේ ඈතින් පේන ලස්සනම ලස්සන වෙල් යාය. අද උදේට උයන්න එළවළු ටිකක් කඩන්න අපේ ගමේ අමරසිංහ මාමාගේ එළවළු කොරටුව ට යන්න මම හදන්නේ, වස විසෙන් තොර එළවළු පළතුරු කන්න ලැබෙන එකම කොයි තරම් වටිනවාද? අමරසිංහ මාමා වගේ මේ ගහට කොලට ආදරේ කරන මිනිසුන් තව වැඩි වුනානම් අපේ රට කොයි තරම් නම් සුන්දර වෙයිද හිතෙන වාර අපමණයි.කොරටුවෙන් කඩා ගත්ත නැවුම් එළවළු ටිකත් අරගෙන දැන් මම ගෙදර යන්න පිටත් වුනා. අද උදේට උයන්න වැටකොලු හොද්දකුයි, මිරිස් ගලේ අඹරලා හදාපු පොල් සම්බෝලෙකුයි හොදයි. සම්බෝලෙට ගෙදර වත්තෙන්ම නාරං ගෙඩියකුත් කඩා ගත්තා. දර ලිපේ මැටි ඇතිලියේ හදපු වැටකොලු කිරි හොද්දත් උණු උණුවෙන් සුවද හමනවා. මම කෑම එකත් මැටි පිගානෙම බෙදාගෙන අම්මගේ කාමරයට ගිහිං රාහුල් පුතාටයි අම්මටයි දෙන්නටම මාරුවෙන් සාරුවට බත් කවන ගමන් මමත් බත් කටක් කෑවා. අපේ දවස ඉතා සුන්දරව ගත වුනා පවුලේ එකමුතුවයි, සොබා දහමයි හුරතල් සතුනුයි, මලින් පිරුනු නිවහනයි එක්ක දවස ගත වෙනවා දැනෙන්නේම නැහැ.
ස්තූතියි ,🙏🙏
මම රිද්මා පිලපිටිය.
Негізгі бет Ойын-сауық කොළඹ අපේ සරල ගැමි ජීවිතය | organic green vegetables |
Пікірлер: 858