Орман жолақтары -өңірдің өмір жолын ұзартады.
Соңғы жылдары елімізде ауыл шаруашылығын дамытуға үкіметтен қолдау артып, ауыл шаруашылығымен айланысатындар екінші тыныс алып егін алқаптарына түрлі дақылдар, көкеністер егіп еліміздің азық-түлік, жем шөп мәселесін шешіп, экономикаға серпіліс әкелді. Бұл қуантарлық жағдай. Таяқтың екі ұшы бар демекші сонау тың және тыңайған жерлерді игеру кезінде деградацияға ұшыраған жерлеріміз енді ғана табиғи жолмен қалпына келу үстінде еді. Енді үсті үстіне салынған егінге біздің қағаберісі жоқ жазық даладағы бос топырақ жел эрозиясына ұшырауда. Бұған мониторинг жасап жатқан ешкім жоқ. Тексеріс болмаған соң мәселеде жоқ сияқты көрінеді. Бірақ топырақ осылай эрозияға ұшырауда. Ал оны қолпына келтіру мыңдаған жылдарды қажет етеді.
Халқымыз «қыстың қамын жаз ойла» дейді. Мәселені шешудің жолын алысқа бармай-ақ бір зоналық белдеуде орналасқан көрші елдің қолданған технологиясын іске асырған дұрыс. Ол орман жолақтарын отырғызу. Бірақ бұған биліктегілер қаражат керек, уақыт керек деген сылтау айтуы мүмкін. Ол үшін «Орман кодекісіне» толықтыру енгізу керек. Шаруа қожалықтарына өзінің жер телімдерінің сыртын орман жолақтарымен қоршау туралы міндеттеме қою қажет. Әрине шаруа қожалықтары табысы жұмыс өтілі ескерілген жөн. Жалпы Қазақ жерін спутниктіктен қарасаңыздар сарғайып тұрады, демек бізге жасыл желектің жетіспейтінін байқауға болады. Көрші елдерде ағаш отырғызу үдерісін кезең-кезеңімен жүзеге асыру үстіне. Осынау ата -бабамыз «білектің күшімен найзаның ұшымен» қорғап сиға қалдырған дархан даланы келесі ұрпаққа аманат ету сізбен біздің міндетіміз деп білген дұрыс. Бұндайда қазақ «атадан мал қалғанша мынадай тал қалсын» дейді.
Мукитова Айнара
Бейсенбек Жалғас
Арнайы Жас экорепортер үшін.
Репортер: Мукитова Айнара, Бейсенбек Жалғас
Оператор: Аманова Гаухар, Омар Бекзат
Дроншы: Алимов Райымбек
Монтаждаған: Аукебай Ғалым, Мукитова Айнара
Негізгі бет Орман жолақтары өңірдің өмір жолын ұзартады
Пікірлер: 16