БІЗДІҢ KZitem АРНАҒА ТІРКЕЛІҢІЗ: / @informburo31kanal
---------------------------------------------
Елімізде орман шаруашылығына қарасты өрт сөндіру машиналарының 72 пайызы тозған. Тракторлар мен патрульдік көліктердің 50-55 пайызы ескірген. Демек, техника тым ескі. Ал, жаздың ыстық боларын ескерсек дала өртінің өршу ықтималдығы да жоғары дейді шенеуніктер. Сол үшін мемлекеттік орман қорларына өрттің алдын алуға мүмкіндік беретін смарт-жүйелер енгізілгелі жатыр. Әрі, алдағы 3 жыл ішінде орман шаруашылығының материалдық-техникалық базасы жаңартылмақ.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
НҰРБОЛАТ ЖАҢАБЕКҰЛЫ, тілші:
- Соңғы жылдары жаз салым күн ысыса орман өрттері жиілеп, мыңдаған гектар алқаптағы тал-дарақ күлге айналады. Бірақ, билік әлі де тілсіз жаудың алдын алмақ түгілі, өрт сөндіруге қажетті техникасын толық жаңартып үлгермеген. Мәселен, экология және табиғи ресурстар министрі қолдағы техниканың 72 пайызы тозған деді. Жалпы, өңірлердің өртке дайын емес екені де бұған дейін айтылған. Ал қазір техникаларды жаңартып, қызыл жалынның алдын алуға бағытталған кешенді шаралар қабылданып жатыр екен.
ЕРЛАН НЫСАНБАЕВ, ҚР Экология және табиғи ресурстар министрі:
- Өткен жылы министрліктің табиғатты қорғау ұйымдары үшін шамамен 9 миллиард теңге сомаға 25 өрт сөндіру машинасы, 51 шағын орман өрт сөндіру кешені, 154 трактор, 73 патрульдік көлік және 655 бірлік өртке қарсы жабдықтар сатып алынды. Әкімдіктер жалпы сомасы 6,6 миллиард теңгеге қажетті құрал, автокөлік сатып алды. Айта кетейік, бұған дейін орман шаруашылығын материалдық-техникалық жарақтандыруға мұндай қаржы көлемі бөлінбеген.
Түсініксіз тұсы да осы. Өйткені, еліміздегі азын-аулақ орман қоры жылда отқа оранса да мәселені шешуге қомақты қаржы бөлінбей келген. Демек, не қажеттімен қамтамасыз ету енді ғана қолға алынып жатыр. Мысалы, алдағы 4 жылда материалдық-техникалық жарақтандыру жұмыстарына 68 миллиард теңге қарастырылып отыр. Биыл жергілікті бюджеттерден 3,8, өзге қаржы көздерінен 15,4 миллиард теңге бөлінбек. Бірақ мұның өзі анау айтқандай көп қаржы емес секілді. Себебі, өткен жылы өрт 116 мың гектардан астам орман қорын шарпып, материалдық шығын 160 миллиардтан асқан. Яғни, бөлінген ақша шығынның үштен бір бөлігі ғана.
ОЛЖАС БЕКТЕНОВ, ҚР Премьер-министрі:
- Өрт сөндіру техникаларымен жарақтандыру қарқыны мардымсыз екенін атап кету керек. Біз бұған өткен жылы көз жеткіздік. Ұшқышсыз ұшатын аппараттардың тапшылығы орман қоры мен даланы әуеден толық тексеруге мүмкіндік бермей отыр.
Үкімет басшысы орман өртін ерте анықтау үшін жаңа технологияларды енгізуді тапсырып отыр. Пікірінше, смарт-жүйені қолдану аясын кеңейту қажет. Сол арқылы тілсіз жаудың алдын алып, өртке қарсы күресті күшейтуге мүмкіндік тумақ. Айта кетейік, 2021 жылы қызыл жалын 167 мың гектар орман алқабын тып-типыл еткен. 2022 жылы 103 мың гектар жер отқа оранды. Әрі, дәл осы жылы табиғи апатқа байланысты 3 рет төтенше жағдай жарияланған. Ал Абай облысындағы алапат өрт кезінде 14 орманшы көз жұмып, «Семей орманы» мемлекеттік табиғи резерватының екі қызметкері 7 жылға бас бостандығынан айырылған.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
Негізгі бет Орман өрттерінің алдын алуға бағытталған смарт-жүйелер енгізілетін болды
Пікірлер